المشاهدات: 10198   المدة: 8:10   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة .AHMED
بواسطة Hussein Hameed
• فدوة
• الرادود : الحاج باسم الكربلائي
• الشاعر : السيد سعيد الصافي الرميثي
• إصدار : شجر الأراك

فدوة لحسين أقدم كل بنيني
وأنسى الهموم لَون سالم يجيني
بعد شصبر واتاني .. كسر قلبي زماني
..................................................١
عمري قضيته آنا منتظرة
حلمي إخلاصي هو اليفسره
والله لو عندي من الولد عشرة
كلهم أهديهم فدوة للزهره
عالسراط أعبر وآنا مفتخرة
وبوجه أبيض لنّي مبتشرة
آنا أدري لأبو اليمة وفائي
باجر آخذ من الزهره جزائي
لجن هايج حناني .. كسر قلبي زماني
.................................................٢
ودعت صبري بيوم ودعته
من مشى عني ليلي ما نمته
واليجي والراح عنه ناشدته
ينعى ناعيه لمن إسمعته
صحت يا ناعي حيلي هدمته
بالله خبرني حسين هم شفته ؟
من عرفني وعرف غاية سؤالي
ناعي المصاب صفق بيده وبجالي
بعد ذيج الأماني .. كسر قلبي زماني
.................................................٣
إحتار شيقلي من نظر حالي
حرمة مهظومة بحسرة الوالي
راحوا أولادي بيتي ظل خالي
غير أبو السجاد ما اجى ابالي
فدوة أولادي لو اجى الغالي
لو فقدت حسين أفقد آمالي
عني لو راح بعد شلّي بحياتي
قبله ياريت تحل ساعة مماتي
سهم فقده رماني .. كسر قلبي زماني
.................................................٤
مصاب فقد حسين ماكو مثله مصاب
جدد عليه حزن يوم الباب
عاشرت نوحي دمعي السجاب
جبدي ياريته قبل جبده إنصاب
جرح البقلبي ينزف وما طاب
تهمل دموعي ذكره من ينجاب
غالي عندي ولا ساعة نسيته
بالمناحة العمر كله قضيته
لمن موتي لفاني .. كسر قلبي زماني
.................................................٥
قابلت زينب باللطم والنوح
قمت أنشدها والدمع مسفوح
من القفى تقلي منحره مذبوح
مسلبة هدومه وجسمه كله جروح
عالرمح راسه ويَّ ضعني يلوح
وآنا أقول شلون بيَّ ظلّت روح
من سمعت بخبر أمه الوديعة
لإبني عباس تعنّت للشريعة
تقله أمك آني .. كسر قلبي زماني
.................................................٦
جان كل ظني لو يذبني البين
أنتخي بعباس والعزيز حسين
بين اليغمض بيده جفن العين
بين الليقلي يا امي شتوصين
قطعت قلبي .. قطعت الجفين
بعد يا هالناس صبري أجيبه منين ؟
لست موجود أثر عندي على صبري
رمز المصاب يظل يا شيعة قبري
يهل دمعه الإجاني .. كسر قلبي زماني
.................................................
باسم الكربلائي وفاة ام البنين .ع.
ام البنين باسم الكربلائي