المشاهدات: 1232   المدة: 19:14   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة صفاء العامري
إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
********

اجيت اودمعي بعيوني اوخفت منهم يظربوني
واشوف اشرار
وامي تصيح يا زينب ارجعي وخاف لا تلهب
عليج النار
شلون ارجع وشوفنها قام ايسيل دم منها
ابطعن بسمار
بقت بافكاري الف صوره طفله او امي مكسوره
ابهجوم الدار
دمه او دخان عله الحيطان
او هذا الصار بيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار

********


ييمه ارجوج فهميني شلون الينهدي ابديني
علينة ايعيل
عليج الباب يحرگها الجانت يستحي ايدگها
امس جبريل
عجيبة شلون يشعلها باب اليگعد ابضلها
وحي التنزيل
ما ضنيت اضل وحدي يمه او من بعد جدي
وكتنه يميل
على اهل البيت ولا ضنيت
قسه ابضعة نبيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
*********

اجيت اني اوطحت يمها اشوفن سابحه ابدمها
اوطفل مكتول
تدفع باب ابجفها ولا جن ذاك يعرفها
شخص مخبول
خلف الباب گالوله الزهره اتموت معقوله
وان ايگول
جف الكتل محسنها اوضربها اوما سأل عنها
عساه مشلول
ابعمر عشرين بجتها سنين
بجه الفاطم وحيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار

********


بيها انكشفت الغايه رادو تنذبح ايه
اودماها اتسيح
گامت لجن محنيه استحت من جلبت بيه
تريد اطيح
واسمع گومي عينيني بدل زينب واسنديني
يفضه اتصيح
عليها اهل العرش صلت بعدهه اوكل صلاه ضلت
بلا تسبيح
وصيح بصوت دعيت الموت
يجيني ولا يجيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
********


ركضت الوالدي ابحسرة اوگلتلة طربوا الزهره
يبو الحملات
عدوك هالحرگ دارك وانته الجان فقارك
على الكلفات
يزينب گال تدرينة وامر جدج تعرفينة
گبل ما مات
لتسل سيف من بعدي هذا الأمر من عندي
امر ايات
صبور اتصير وابد لتحير
اذا تسمع بجيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
********


اجه الفاطم علي اوگلها هاي الگاع ازلزلها
اذا تردين
واذا سليت فقاري بيهم تشتعل ناري
علي اتعرفين
لجن ما يبقه قراني اوبعد كل صوت لاذاني
فله اتسمعين
گالتله اونعم منك يبو الحسنين اعرفنك
عمود الدين
وخذها الموت عظيمة صوت
وعي الدنيا ابوعيها طحت وانطتني اديها
جوتها النار
********


إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
********


شفت موت امي بعيوني ونه المرتين حرگوني
ابحقد مرتين
حمامة وما شفت شجرة بعد ما ماتت الزهره
بلا جنحين
طبر هامة علي ابراسه اوسم الحسن بأنفاسه
اومصاب حسين
شفت جم ناكل اوتابع والاول ينگلب رابع
بشر وجهين
وشفت أنصار لبو الاحرار
تموت ابحب وصيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار
********

قبل الموت صاحتلي وصير ابزغر گالتلي
كفيله أيتام
تگلي الحرگ بيباني يرد ليج بوجه ثاني
حرگ بخيام
يزينب يمة يسبونج وعلى الهزل يأسرونج
لراضي الشام
تشوفين العجب واكثر احسين اگبالج اموذر
صريع اسهام
تشوف العين ذبيح حسين
اوبجي النسوه اوسبيها طحت وانطتني اديها
جوتها النار
********

إدية زغار او چوتها النار
إجيت اركض عليها...طحت ونطتني اديها
چوتها النار..........چوتها النار

*******************

كلمات الشاعر : ناظم الحاشي