المشاهدات: 3212   المدة: 5:57   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة Zahraa ❤ Al obaidi
انه اختك يالگمر .. كسرتلهم ظهر

كسرت الهم ظهر .. انه اختك يالگمر


انه اختك لا تهم بينه
لويت الي گرب لينه
كسرت الهم خشم

نظرهم يلبد ابرمشه
گطعت الشوف من هرشه
صگرت الهم زلم

طفلنه لو عطس عطسه
سبعهم يختنگ نفسه
يگض بيده الهدم

هوه ويتلاعب ابسعفه
رگبهم بيهن الرجفنه
امن اجيبلهم إسم

يـ گناص الزلم .. علينه لاتهم


كسرت الهم ظهر .. انه اختك يالگمر


حلگهم مشتهي الچلمه
يخاف ايسولف ابحلمه
يفر منه الحرف

زلمهم تعرف الخزره
أهد اعليهم ابنظره
نظرتي چن الف

حچيهم يرتجف گلبه
يتيه امن اذكر الجربه
دم اعروگه يجف

نفسهم يهجر الريه
إذا اتحنحن اشويه
يلم روحه النفس

يلم روحه النفس .. إذا صوتي هيس


كسرت الهم ظهر .. انه اختك يالگمر


اخيتك انه المعدله
وحگ الذبحته النبله
لحط الهم گلب

ثگيله امن اخطي الخطوه
احس طول الدرب يهوه
ينز گلب الدرب

ملك ابإسمك الشاطي
امن ازامط تعرف ازماطي
على الشام امن اطب

اميرة ويركع الجدمي
اسجل شامهم بإسمي
اميرة اعله الغرب

ولو أم الحزن .. لأگص الهم لسن


كسرت الهم ظهر .. انه اختك يالگمر


حلگ تاربخچ انشگه
يشام وظهرچ انفرگه
ونشگ حلگ القصر

الخرابة اتصيرلچ جنه
صبغ حيطانها الحنه
ويحج بيها الفجر

تطوف ابحضرتي الشيعه
دعاء الندبة والبيعه
وإذا جاء النصر

نغم آذانه انسمعه
گلب عدوانه انشلعه
ويرد لينه الأمر

المآذن تعتلي .. يظل اول علي


كسرت الهم ظهر .. انه اختك يالگمر


__________________

كلمات الشاعر علاء المياحي

_________________

كتابة Zahraa Al obaidi