المشاهدات: 1627   المدة: 22:04   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة Zahraa ❤ Al obaidi
ظليت انه ابين الزلم .. ياخويه ياخويه
والحيل مني منهدم .. ياخويه ياخويه
غريبه .. غريبه ..
ماتت دمعتي اعله الجفن وعيوني مابيهن دمع
مجره البواچي يبتدي من فاطمه وكسر الضلع
شمعه عشت عمري احترگ ومن يسهر ايموت الشمع
سفرة ومشيناها سوه ولو ادري گلبي ينفجع
چا گلبي عباس اعتذر .. ياخويه ياخويه
ولا ارجع ابدرب الخطر .. ياخويه ياخويه
غريبه ... غريبه ....
اذكر على طول الدرب الرايه ظلي امن الشمس
تنثر على الهودج وفه ومن ترف ترتاح النفس
راية علي وتسلمت بچفوفك وصارت درس
ومن سافرت كلشي انتهه واليومي مايشبه أمس
اركض اجيتك للنهر .. ياخويه ياخويه
واتعثر ابدرب الخطر .. ياخويه ياخويه
غريبه ... غريبه ....
من وادعتني وللنهر متحزم ابروحي اطلعت
هزني الحنين الجيتك ولو تدري بعيوني اشفت
احسيني رد محنـي الظهر منك يصيح اتغربت
وهد العمد من خيمتك وعرفت من إيدي رحت
هد العمد من خيمتك .. ياخويه ياخويه
روحي تعاود رادتك .. ياخويه ياخويه
غريبه ... غريبه ....
گلبي ركض للمشرعه بس عثر خويه ابدمعتي
عباس اصيحن والتفت والماي يبچي الحالتي
بيناتنه تذكر عهد ومو گتلي خويه ابذمتي
هاي انه ما بين الزلم طاحت مناقب عصمتي
بالذمة شديت العهد .. ياخويه ياخويه
كافي امن اسولف لو بعد .. ياخويه ياخويه
غريبه ... غريبه ....
يمك يخويه شاهدت جودك اوچفك والعلم
عشرتنه عباس انتهت وبيت الوفه الـ لـمنه انهدم
بعدك عساني لاعشت ريت العمر يصبح عدم
ويايه تحچي اتصورت وتگلي طلعيلي السهم
من عيني طلعيلي السهم .. ياخويه ياخويه
وآنه امن أعاود للوطن .. ياخويه ياخويه
غريبه ... غريبه ....
اطوي الدرب وبلا اهل وبعيني مذبوح الأمل
غرگني طوفان الحزن والمدمع اگبالك همل
چنت آنه أميرة إعله الخلگ وهد عرشي من يوم ارتحل
عباسي حارس خيمتي مايدري من بعده اشحصل
معقوله ما تدري اشحصل .. ياخويه ياخويه
ترضاها أمشي ابلا أهل .. ياخويه ياخويه
غريبه ... غريبه ....
غيرة البيك اعله الرمح راسك واشوفه إيصد إلي
وتديره وجهك لو علـيّ بالسوط هوم عاذلي
أطفالي تدري أمدلله راحت سبيه يالولي
درب اليسر ما ينجرع وليل الحزن ماينجلي
بچفوفي أكض بالحبل .. ياخويه ياخويه
وصعبة عليها ترتحل .. ياخويه ياخويه
غريبه ... غريبه ....
يامجلس المثلي گبل مهضومه طبتله مره
راس الكفلها بالطشت ايعاين عليها اميسره
تحچيله بدموع العتب تشرحله من راح اشجره
أحچاية أخت بيها وجع تجرح ولو متأخره
اتگله تجي اوياي امن ارد .. ياخويه ياخويه
لو راح عنك ابتعد .. ياخويه ياخويه
غريبه ... غريبه ....
____________________________
الشاعر ابوتراب الياسري
____________________________
كتابةَ " Zahraa Al obaidi