المشاهدات: 2972   المدة: 5:36   الدقة: عالية
التصنيف: أشعار وقصائد   الكلمات الدلالية: علي المنصوري
تعليق بواسطة أحمد العثمانيے
مراسيم الخطوبة - علي المنصوري


نزع ثوبه القديم وطرك همومه وركنهن في زوايا البيت
وظل يسولف وي الله الك بوسات بجفوف الملك وديت
يالخالق محمد الك عشك زغار ماريدك بيوم الخطبه تنساني
ولبس ضحكات ايتامه وكشخ عالموعد يتاني
يعاين عله الساعه جن مشي المشلول
شبيها الساعه ما تمشي عمت عيني بقى يعاني
يشد حيله ويكطعها المستحه من يكوم
ومرات بخياله يعثر جدامه
مو رمضان بس صايم الخجل حرم عليه الزاد
وكضى الوكت بصيامه
علي اماخاف من واحد
علي المارجفه قائد
ولو نسم هوى الزهره يرجف جازه للهامه
مشه ودرب الرسول شطوله ماجنه بعد بيتين
هوى بريته فلا تلكه وترس ريته هوى ام حسين
شما خف جدمه يثكل حيل
شمر سيفه وبقى بثكله
نزع درعه وبقـــــى بثكله
لو بيده علي جاينزع خياله
فارغ باله من كلشي بذيج اللحظه بس الزهره جانت كاعده باله
وصل بيت الرسول ومستحاه انسان
دك الباب
ومن بيت الرساله جن طلعله صوت
هله يمكحل عيوني
تعال البيت صار اضلم
اجو كبلك يسموهم صحابه وضلمولي البيت
علي فانوس درب الله محمد لو مشى بضلمه اله بسيفك علي ضويت
اجه ومن مستحاه ما يكعد كباله اجه بصفه
يبن العم اريد ارتاح باقي ايامي مو جبت العمر وكفه
يبن العم اريدن منك الزهره غزاني الشوك
يالضرغام جيتك غاليه واشرب كهوتك زين الزهره بجيتك من الله خبر عدها
الله مفصلك علزهره يابن حسين غيرك يافحل ياهو اليجي بكدها
وسولف عالمهر واصفر ابو الحسنين وكام تغصصه الشهكه
ماعدي ملك وانته ادرى مابالحال بس حبكم املكه وسيفي والدركه
وشدوا راية العباس عالزهره
وقروها الفاتحه
وطب لكلب حيدر واهس العريس من يصعد دوي التفكه
وطبلها علي وظل الدفو يحاجيه وجان جفوفه حيل من البرد زركه
وطبلها علي وضل الحيه بكصته فقط ماي وخجل يترس
اجيتج اعثر بجدمي اجيتج والخجل يــــردس
ردت حفنه ضوى منج نهاري بغيبتج هندس