المشاهدات: 342   المدة: 11:52   الدقة: عالية
التصنيف: صوتيات دينية   الكلمات الدلالية: عمار الكناني
تعليق بواسطة صفاء العامري
كلمات : علي عباس الربيعاوي

كل زوايا البيت تصرخ بية فرگة .. وين اروح
كلشي بالدنيا يجيني بلاية ملگة .. وين اروح
وين اروح .. وين اروح

الوحدي وداري خله من الحبايب
الوحشة تكتبني وابو السجاد غايب
كل زوايا البيت احسنها مصايب
كلشي انسلب .. ليش العتب
عمري حلم مذبوح
عشت بمحن .. كلشي اندفن
وهو التريده الروح
موحنين المايعايلي بمحنة .. كلشي صار
ضدي ياوسة بيتي لحد جنة .. كلشي صار
وين اروح .. وين اروح

من تعيش ابيت خالي من التحبهم
الذكريات سيوف ويذبحك هجرهم
تخلم بخطوات الترد بدربهم
جفني يرف .. رايد عرف
بس العرف غياب
احزن واون .. كل ساعة احن
واترجة دكة باب
حتى هذا النفس بيه جرح يدي .. والغريب
حتى هاي الابتسامة صعبة عندي .. والغريب
وين اروح .. وين اروح

اصعب اللحظات من اذكر ضعنهم
حملوا كدامي واترجوا خبرهم
راحت اسنيني على النوگ بقهرهم
باب الجرح .. من ينفتح
كلشي حلو يندار
حلمي احترك .. بالعتبة دك
گلبي اوكف محتار
بين علة وبين فركة وبين دمعة .. عمري ضاع
كاعدة اباب المصايب ابجي وانعة .. عمري ضاع
وين اروح .. وين اروح

ابجي واتخيل الاحبهم دوروني
بكعدة حلوة وبالخيام تذكروني
سولفوا باسمي وبجوا من مالگوني
مر وأمر .. واللي خسر
من روحة هيج احباب
بگظي العمر .. بس ينتظر
ويعاين اعلة الباب
من اعوفه ومن افتحه هم الجمة .. جرحي باب
اگعد اقراله نعي وللصبح يمه .. جرحي باب
وين اروح .. وين اروح