المشاهدات: 6507   المدة: 15:51   الدقة: عالية
التصنيف: صوتيات دينية   الكلمات الدلالية: باسم الكربلائي، عبدالخالق المحنة، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
ليلة 7 شهر محرم الحرام 1440 هـ
قصيدة: إلى متى
أداء: الحاج باسم الكربلائي
كلمات: السيد عبدالخالق المحنه
المكان: هيئة شباب الأكبر (ع) - لندن

الكلمات
_________



الى متى اظل انادي عباس
حلم .. علم .. شمر يجيني ياناس

..............

لحظة عيني غمضتها وفتشتها اعله النار
لني وحدي ابلا خيامي والشمر يحكم صار
جيبوا زينب ردوا زينب يله شتمو الكرار
وانا اسمع بس شسوي حرمه واجفوفي اكصار

صحت يخي يخي خدرنه حساس
الى متى اظل انادي عباس

______________


خويه مدري اشصار بيه من دخان الخيام
من خيمنه للشريعه اكبرت مية عام
هذا شيبي كله منك انته مرتاح اتنام
بله كلي ياسبيه عدها عسكر ايتام

متت قهر لإن خيمنه تنداس
إلى متى اظل انادي عباس

_______________

خله اذكرك بالطفوله لوشفتني شتكول
انتي امي انتي اختي وانه اكلك مسؤول
هسه جنك معرفتني يالوفي ما معقول
احجي خويه كلي اي كولي امشي مقبول

صحت ردت ولو تكلي لا باس
إلى متى اظل انادي عباس

________________

ماتجيني انه اجيتك يالكتلي بحماي
خلي عذرك والفواطم مايريدن الماي
هذا جفي هاذي عيني خويه بس رد اوياي
اني ابجي وانته نايم من يصدكني ابهاي

بلا خيم تره وعلينه حراس
إلى متى اظل انادي عباس

_________________

خويه والله الماي كله مايساوي جفين
وإبن جوشن عينه صلفه وانته ماعندك عين
كلي زينب شوفي شوفي من كطع راس حسين
ثم ناده ها يزينب هاذي جانتلج وين

صفه الخدر تحت سياط الأرجاس
إلى متى اظل انادي عباس

__________________

احترامي السهم عينك آني غمضت اعيون
انته كلي وينه جودك وانه اراويك امتون
خويه كلها الناس تهمس بس عرفت اشيحجون
والله حقهم انه زينب وحدي مايصدكون

بيمن بعد أنه مصابي ينقاس
إلى متى اظل انادي عباس

____________________

مره كتلك مدلي ايدك من سمعت التهديد
واستحيت وكلت عذرا انته ماعندك ايد
والسلبني ماتركني يسحن ابكلبي ايرد
ظل يكرر وين اخوتج والكفاله متفيد

لون عدل فلا رقيه تنجاس
إلى متى اظل انادي عباس

____________________

من سكينه هالوصيه واستماعك مريود
اخذي دمعي وصيحي يمه عمي وين الوعود
من نخيته مافزعلي حته لوماكو ازنود
لويحبني خل يجني انه ماريد الجود

صحت يعم لمن كِطعتْ الانفاس
إلى متى اظل انادي عباس

________________

كمر زينب ليش مطفي ضوي دربي الملهوف
جيت اشبكك وانته صعبه تشبك ابلايه اجفوف
راح اعوفك بس اخبرك هالامر وانته اتشوف
شيعه باجر تعتني لك ممشه واتجيك ازحوف

نعم وفي العهد ترابه ينباس
إلى متى اظل انادي عباس

__________________

يله خويه وداعة الله والفجر بان وراح
اني امشي لليتامه وانته اغفه وارتاح
هذا وعدي لابواجي ولايسمعون اصياح
لا يهمك كل سبيه تمشي ويه الذباح

غدا سبي يسر واشاهد الراس
إلى متى اظل انادي عباس

________________

كلمات الشاعر السيد عبدالخالق المحنة
________________

تدوين...Zahraa