المشاهدات: 3036   المدة: 17:52   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة هيلــه
ليله 10محرم 1440
يركض اجانه الصبح
مستعجل اعله الذبح
واليدخل الكربله
مايطلع ابلا جرح
......
ليش ليش مستعجل شلك علينه
روح روح لو عندك امروه فلا تجينه
كول كول تفرح إذا شفت الحبل بدينه
عاد عاد اتأخر اشويه تره انولينه

رد ياصباح الدمع
صوت الشمر ينسمع

واليعرف المسأله ...مايطلع ابلا جرح

~~~~~~

هاي هاي سبعين تتهيئ لامنه
وين وين انطين وجهي من بعد زلمنه
نار نار تدري بصباحك تحترك خيمنه
خاف خاف عالمشرعه باجر يكع علمنه

ذاكه السهم مو سهل
يكطع وريد الطفل

والينظر الحرمله ...مايرجع ابلا جرح

~~~~~~

صار صار واضح غدا بت فاطمه وحيده
ويل ويل موته الهواشم والنجف بعيده
ماي ماي يعطش اهوي وينظر لعضيده
موت موت ياهو الاشوفه انظر الورديد

مو بس خيم تحترك
باجر نبي ينسحك

واليبقه بالعايله ... مايطلع ابلا جرح

........

ذاك ذاك وجه الشمر لاتعتقد اضيعه
حيف حيف يرفس اخويه وعالارض يوكعه
آه آه راس الحبيب من الكفه يكطعه
عين عين عينه عليه وعالرمح يرفعه

باجر يطيح المتن
قبله يطيح الجفن

واليمشي وي قاتله ... مايطلع ابلا جرح

~~~~~

ليل ليل من هسه دخان الخيم اشمه
خيل خيل ها يا رقيه تصعب المهمه
هنا هنا باجر اذانج تنكطع يعمه
ويل ويل ياهو الأضيعه وياطفل ألزمه

باجر رماد الخيم
يصبغ وجوه الحرم

والعايش المُعضله ... مايطلع ابلا جرح

~~~~

هاك هاك يبن امي إحسب والاصابع عشره
شوف شوف لكن على الخنصر يطيل النظره
عود عود منهو اليسلب خاتمه ويبتره
ليش ليش يحسب ضلوعه ويمسح اعله صدره

عشرة خيول الظهر
حتماً ترض الصدر

لو شافه عقد الوله ..مايطلع ابلا جرح

~~~~~~

راح راح من الرمل سوه وساده شفته
نام نام واتمدد اعليها ولزم ركبته
ذاك ذاك مكانه ويعرف ابذبحته
آه آه اني ابخيامي وسمعت حسرته

كام وكصد للنهر
من يمشي محني الظهر

والمحني من أوله ..مايطلع ابلا جرح

~~~~

هام هام ها يا صبح خو وضحت الحكايه
صار صار افكد اخوتي والشمر ورايه
جيش جيش ينظرلي ورماد الخيم غطايه
صيح صيح باجر بنات المرتضى سبايه

باجر ركوب الهزل
ياكل بأيديه الحبل

واليمشي بالقافله .. مايطلع ابلا جرح
.....