المشاهدات: 775   المدة: 9:46   الدقة: عالية
التصنيف: صوتيات دينية   الكلمات الدلالية: محمد الحلفي، Hussein Hameed
تعليق بواسطة Hussein Hameed
" ولدي ردوني ابنية ... وحنو الشيب البيه "

ولدك حـيدر . موت امـگدر . عاشت يـمناهم
ركـبو عـالدم . شمـوهم شم . وإيـد الله وياهم
عفيه اسباعي . وچف اذراعي . لو منكم ميه
هم انطيكم . وافرح بيكم . لحسيني اشويه

ولد الكرار وما فروا امنـاوب سيف وسـطره
صدوا لحـسين اشما عـطشوا والماي ابن الزهره

كل واحد جيشين ابزوده منجل بيده ويحصد ناس
زلمه ابدمهم تارس جوده من يوفي ابگد العباس

الغيره امرايه .. وتمشي ابرايه .. عالغيم اچتافه
واحد طايح .. واحد رايح .. بالدم يتعافه

عفيه ولد البدويه ..ولدي هاي المرجيه
____________________________

عفيه اكبـرهم . عفيه ازغـرهم . عفيه الوسـطاني
وعفيه بثانيهم . ثانيهم . بعد امك اني
فوگ من الحگ . يرجع لو طگ . ياخذ البشاره
يعبـّـر للنار . ابن الكرار . ابنـص سطاره

قبل الكرار اموصيهم ينصرون أبن الزهره
رگضوا صاروا سيف ودرگه اهل الغيرة السمره

مابيهم محتار ابروحه . ازغار وبطف حيل اكبار
وين الما حاير بجروحه . عالدنيا تحسهم خطار

الجيش اگباله .. ايصير افضاله .. ويستنگي ابكيفه
سيفه اتكهرب .. بالچف يلعب .. ومّونس حيفه

عفيه ولد البدويه .. ولدي هاي المرجيه
____________________________

خيل امرگب . وشگد ينحب . من راسه الگاعه
ماضم روحه . وجاب اجروحه . من چـد اذراعه
وجهه اليضحك . طاح وماشـك . سيفه البچاهم
شيخ ويفرض . وبجاله اتفض . حگ الله وياهم
حزام ورگبه اطلب زلمه گام ايلوذ ابزلمه
اسباع اتريد الموت امـلاگة ولادي الهمه الهمه

وين الماطاحت وگفاته . وين اندارت سيفه اندار
من گد ماشافوا صولاته . گالوا هذا ابن الكرار

ياهو ايرده .. وياهو ابگده .. نسوان اتجيبه
بدويه امه .. وشايل دمه .. بچفوف الهييه

عفيه ولد البدويه .. ولدي هاي المرجيه
____________________________

نولدوا للطف . صفو فد صف . زينب حيتهم
راية وراية . وفد احچايه . حسين ابكلمتهم
شكراُ لأمهم . يضحك دمهم . عالسيف اجروحه
بغيرة احـتروا . موت افـتروا . چفوف المملوحه

قوات حسين وذرعانه الواحد جيش اتحسبه
الگابلهم لو يرجع سالم لازم يحمد ربه

بيوم لو شايفهم صارو چن گلهم عباس
اولهم يشبه آخرهم امشربتهم غيرة ونوماس

گالوا تسوه .. انروح الخوه .. والعونه وياها
الطايح يسلم .. نمشي اعله الدم .. وحسين وياها

عفيه ولد البدويه .. ولدي هاي المرجيه
____________________________

كلمات الشاعر: فـاضل حـسن