المشاهدات: 3577   المدة: 18:43   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة عِشـق ❤️♪
كلمـاتـچ البيهن ضوه
مايطفن ابليل السبي
دمعـچ نزل بس مو دمع
مثل الوحي وگاصد نبي

يـاشذره من كرسي العرش * بس غير اوصافچ ظمه
طحتي ارض فوگ الأرض * بس وكعتـچ من يا سمه
شفت ابخيالچ چف علي * شفت ابدموعچ فاطمه
نوح انتي والطوفان اجه * تتـلاطم اموج الدمه

اهنا اثر حنه وشمع
وهناكه خنصر منگطع
وهنا فرس كاسر ضلع

وهناكه ضحكـة ناصبي

_________________________

من حرك ارموشچ هـوه * راس الكفيل اهتز غضب
كلبـچ مثل باب النبي * والحادي حمالة حطب
يالحافيه فوگ الرمل * واجب يفرشولچ ذهب
كل نظره منچ عاصفة * جيش العده يـرجف گصب

الف وتسعميه قلم
كتبن على اطلال الخيم
زينب على الناگه علم

عاش الوقار الزينبي

___________________________________

بعده الطريق ابأوله * درب السفر اسمه الشمر
ممكن شمر يذبح نبي * بس إيـخسه يـذبح خـدر
طحتي لچن طيحة عشب * بس ينحني ماينكسر
ليش انكسر جنح الوحي * بيدچ محمد يحتـضر

غيم السبي شايل عطش
اخرس مثل ليل أهـدعش
لو گالو الراس انخدش

گولي البقاء المعصبي

_______________________________

شفتچ تدورين الگمر *بين النجوم ومايصح
هذا الضوه مو بالسمه * يمچ يـزينب عـالرمح
خد يـشرگـ ابليلج ضوه * والثاني يشرگـ بـالصـبح
وثنينهن يطفن سوه * لو ينزف ابمتنچ جرح

والله لون يحچي الحبل
شاعر يصير ويرتجل
كلما وگع يمچ طفل

ناده كفيلچ عاتبي
_______________________________

انفـاسچ امضيعه هوه * وعيونچ امضيعه خوي
والناگه تعثر موتعب * بس ابونينچ تنچوي
تشرب دموعچ بالسفر * لاتعطش ولاتـرتوي
ياوسفه يـطويچ الحزن * مثل الصحف من تنطوي

عمرچ كبر يم النهر
خمسين عام وكم شهر
رمح الحزن بيچ استقر

مو سهله من تتسلبي

_______________________________


نظراتچ الـروس اخوتچ * نظرة سجين اعله الشمس
طبع الفراشة اتحب ورد * مو عالمحامل تنحبس
واحساسچ الـينزل نده * والحادي صخره ومايحس
چم باچر ايـريد الدرب * وانتي اعله كلبچ چم امس

صفناتچ اينكطن حچي
بيهن عتب بيهن بچي
ظهرچ تعب خل يرتچي

بس لا يشوفچ اجنبي

_______________________________

نعسانه بس كلچ حذر * مثل الگطه ساهر يظل
صايود و الفرصة رمش * من ينزل إيـطيح الجبل
منتبهـة بعيونچ ملح * والشامت ايدور خلل
احمر شفت وجه الگمر * زعلان لو من الخجل

شيبتي ياغصن الورد
يامملكة وگادج عبد
هذا الوكت نار وبرد

ياحرة لاتستغربي

_______________________________

كلمات الشاعر السيد عبدالخالق المحنة

______________________________

الكتـآبةة Zahraa Al obaidi