المشاهدات: 20442   المدة: 7:31   الدقة: عالية
التصنيف: صوتيات دينية   الكلمات الدلالية: علي الدلفي
تعليق بواسطة حـــلاة الـــروح
هِب وقوف اتنكب اسلاح إستعد
كلها تسكت لوحِچه لسان الحشد
هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________

هِب وقوفًا للحمو ثوب الأرض
وبالگصص شاجورهم صلّه الفرض
والله لوما اچفوفهم ماضل عرض
وچا شفت بغداد لحدّ ابصف لحدّ

هِب وقوفًا وازحف من الراخيات
اليوم يوم الگال اموت وبيها مات
الغيرة غيرة وحده مابيها خوات
ابغير شيعة علي لا ماتنوجد

هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________

انريد نحچي بدم ولدنه وبالجراح
منهو اليضحي ومنهو الظل مستراح
الما يضوگ اليوم طعنات الرماح
لا يجيني باچر وبسميّ يهـدّ

زلزلت مازلزلت خل تنخسف
الحشد يا كل مدافع بالقصف
والله لو تدريّ اشدفنـهّ بالجرف
چا صحت عاشت أديكم يا ولد

هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________

كُن على مية ثقة ومية يقين
الأمس باعوا قضية فلسطين
عالحشد يردون چف المو أمين
حتى يصفى الماي لحلوگ الكُرد

ايموت مجانًا حشد ولد المـلح
وما ايواعد ليلهم گذلةّ صبـح
الوكح مينام شينـومة الوكـح
طلقه طلقه الليل يگضيه ويعد

هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________

الما يبوس اچفوفهم ناكر جميل
والنكر طلقاتهم عالدم يعيل
والله من طحنو طحن بالبوعجيل
گلنه حتى الشمس باچر ماتـرد

اهناك عالجبهات طف ثاني أبتده
بيها أبو الاحرار يعلن مولده
اهناك جون اهناك عابس موعده
اهناكه ابوالسجاد مايبقى فرد

هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________

للموت معزومين كلهم وافقوا
سرجوا خيول المنايه اتسابقوا
سمعوا الحرمة استجارت مابقوا
خاف شوك البادية ايأذي الورد

اهناك لوما الحشد يحسين وحربّ
وبدماء أولادنه انـأمن الـدربّ
مانزورك چان ولـصحنك نطُبّ
حسرة تبقى ابروح كل عاشگ يود

هاي نفحة كربلاء .. هاي محكمةّ الدماء
هاي معركة الحسين اويه ابنَّ هِند
___________________________
كلمات/ابوعلي