المشاهدات: 1806   المدة: 15:19   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة عِشـق ❤️♪
گـوم لـختك يـالكفيل
تغرب والدنيه الليل
ابدمعي اسولف لو ابمتني
لو السطرة العذبتني

ياعباس ..
ياعباس ..

موش گتلي وياي گومي
گمت ياراعي الشيم
گتلي چفچ فوگ چفي
تالي چفك ماسلم
وحگ زينب يا اخو زينب
ماعت اعلينه الخيم
ابجثه كالساعه انهطر
اتصيحلي اسم الله الحرم

ليش ماگمت وشفتني
ياهو طگني وياهو سبني

ياعباس ..
ياعباس ..



موش گتلي وياي گومي
ويالعزيزة اتدللي
طلعاني من المخيم
چنت ماادري انولي
چنت اتصورك تنهض
گبل لا يتدنه إلي
گتله عباس آنه اخوي
گال ادري وسب علي

ياهو شوفه الشتماني
ياهو طگني ودفعاني

ياعباس ..
ياعباس ..



إلك نية اتگـوم تمشي
لو يكافل گـطعوك
ماضجت من شتموني
بس ضجت من شتموك
ابطلبه اجيتك لاتردني
ياعباس ابروح ابوك
گوم عاوني اعله اخيك
خـ نلم اضلوع اخوك

خـ نشمه ابمنحره
خـ نرجع خنصره

ياعباس ..
ياعباس ..



خويه عفت الحرم كلها
جيت اگلك بلي صار
جيت اراويلك عباتي
اذيالها حرگته النار
هسه ساترني الضلام
اشلون لوصار النهار
خويه وعله النوگ باچر
ياهو اليركب الزغار

انه اذكرك لو نسيت
ياعباس اتشتميت

ياعباس ..
ياعباس ..



جيتك ابسد الضلام
ثره الطف الگله خوف
جيت اراويلك امتوني
ماادري بك ماتشوف
جيتك اكثر شي اتهطر
لاچن الاكثر ازحوف
اشوه من هذا التدفع
لو امطبرتني السيوف

ليش ماهزك نداي
ريجي يابس ماكو مآي

ياعباس ..
ياعباس ..



اعليك ضلع امي الزچيه
غدر بالباب انكسر
گوم لختك يا اخو خيتك
عصر دلالي انعصر
نذل من التل دفعني
وآه صحتك يالكمر
ابسوطه فرهد لحم متني
وسب علي وأمي وكفر
گال فنه ايگـوم اخوج
أيسي جابوچ ونسوچ


************************

الكلمات للشاعر المبدع • أحـمد المشـرفاوي •


************************

كتـابة..Zahraa Al obaidi