المشاهدات: 3321   المدة: 13:45   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
لأبكــــــــــــينَّ عــــــــليك بــــــدل الدمــــــــع دمــــــا

* * *

يحسين بدموع الصــــــبر ناديتك آنـــــه المهـــــــدي

يومك يعيش ابخاطـــــري وگلبي انصدع يا جــــــدي

يا يوم ميعاد الفــــــــــرج يا يوم يگــــرب وعـــــدي

يا يوم انظرصـــــــــارمي ابظعن المهالك يحــــــــدي

لأنهضنَّ وأمـــــــــــــــحو كلَّ طــــــــــــاغٍ ظلــــــــما

لأبكــــــــــــينَّ عــــــــليك بــــــدل الدمــــــــع دمــــــا

* * *

موعود ناطر للـــــــــوعد والگلب مـــــــل من صبره

وعيوني تشبح لـــــــلأمل مابين دمعــــــــه وجمـــره

يا جدي نارك بالگـــــــلب متضــــارمه ومستعــــــره

انتظر تگرب طلعــــــــتي والباري يصــــدر أمــــــره

لأصـــــرخنَّ صــــــــراخاً فوق أعــــــنان الســــــــما

لأبكــــــــــــينَّ عــــــــليك بــــــدل الدمــــــــع دمــــــا

* * *

غايب وطالت عيبــــــــتي وثارك يعــــــــيش ابفكري

عالجمر صابر وانتـــــطر حرگتي جــــــــمره صبري

يا يوم للثار انتــــــــهض لا أعـــــــــــــــلم ولا أدري

بس الله اللي عـــــــــرف واســــــــأل يعـــجل أمـري

لأصــــــــبرنَّ وقلــــــــبي قد سقـــــــــــــوه ألــــــــما

لأبكــــــــــــينَّ عــــــــليك بــــــدل الدمــــــــع دمــــــا

* * *

يا جدي يصعب موقـــــفك وبدمعي أعرض حالــــــك

مظلوم طايح عالتـــــــرب واموسَّد اعله ارمالــــــــك

مهرك رجع لمخيــــــــمك دامي وتشوفه اعـــــــيالك

واطلعت زينب نــــــــادته وين اتركـــــت خيالــــــــك

لأنـــــدبــــــــنَّ فــــــــؤادا ذاب في جــــــــمرالظــــما

لأبكــــــــــــينَّ عــــــــليك بــــــدل الدمــــــــع دمــــــا

* * *

عطشان يا جدي طــــحت والماي يجري ابكـــــــترك

للمذبح اتعنه الشـــــــــمر اتثنه اعله قمة صــــــدرك

وسّط السيف ابرگبــــــتك وابتده ايحــــــز ابنحــــرك

استسلمت روحك لـــلأجل وانحجب كوكب عــــــمرك

لأطفــــــــــــأن لهــــــــيباً في فــــــــــوادٍ ضرمــــــــا

لأبكــــــــــــينَّ عــــــــليك بــــــدل الدمــــــــع دمــــــا

* * *

من الخيمه عماتي اطلعن للحومه وگــــــــفن يــــمك

وحــــــده انحنت يم جثتك بالدممع تغـــسل دمــــــــك

وحـــــــــــده تقبل منحرك وحده لصــــــدرها اتضمك

وحــــــــــــده تظلل خايفه من الشمس تصهر جسمك

ليعـلمنَّ يــــــــزيــــــــــــد أيَّ جـــــــــــرمٍ جــــــــرما

لأبكــــــــــــينَّ عــــــــليك بــــــدل الدمــــــــع دمــــــا

* * *

يا جدي وسفه ما چــــنت ويــــــــاك بــــــين العسكر

چان اعرضتلك منحــــري وافديك گــــــــطع المنــحر

يا عجب يا كل العــــــجب جسمك اشلــــون اتـــــوذر

واشلون خدك عالتـــــرب أصبح تريــــب امعــــــــفر

لارفعـــــــــــنَّ بكــــــــفي للمعــــــــالي عــــــــــــــلما

لأبكــــــــــــينَّ عــــــــليك بــــــدل الدمــــــــع دمــــــا
_________________ _________________

كلمات الشاعر الأديب : جابر الكاظمي