المشاهدات: 696   المدة: 9:16   الدقة: عالية
التصنيف: صوتيات دينية   الكلمات الدلالية: جعفر القشعمي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
ملاحم كربله مرسم * ووقت المعرض محرم
اعاين لوحة لوحه * سواد امغطي صبيحه

مسلم اشوفه ابلوحته حامل مراسيل العشك
للكوفه رفرف بالغصن كاصد عناوين الصدك
مسلم حمامه ابلا جنح ياباب متحير يدك
جفه الجمر بيها اشتعل شفت الرسايل تحترك

كسر غصنه على تعبه
ودموعه ذوبت اكتابه
الحزن كسرله جنحه
سواد امغطي صبحه

_______________


لوحة حزن لابن الحسن والاكبر امه اتنوح اله
ولوحة رضيع اعله الصدر شايلها فارس كربله
تتلوه ذبلها العطش لكن شفتها امبلله
لوحة طفوله ابيا ذنب ترسمها نبلة حرمله

طفل طافي ابحضن غافي
ويصب منه نهر صافي

شفت لوحه اعله لوحه
سواد امغطي صبحه

__________________

وهالوحة راسمها الوفه بيها الكمر عالشط غفه
عكر مصابه العلكمي وبمنحره نهره وصفه
من بلل اجفوفه النهر ذب جفه صاحلها كفه
ماريد اخويه ايظن امس هالمره اقبله وارشفه

فرش جسمه لعد ناسه
ورا زينب مشه راسه

وصف اعجز اشرحه
سواد امغطي جنحه
___________________


ولوحة فجيعة اعله الثرى مو هذا مهجة فاطمه
باراب وسفه امجفنه ومغسله ابفيض الدمه
حته سقر لجله بجت وناحت على حسين السمه
وعين الغيور اعله الحرم ظلت تحوط امخيمه

رسم نار ابوسط جنه
حرت مكدر اوصفنه

شفت مرسم في لوحه
سواد امغطي صبحه
____________________


ولوحة رقيه بالقصر فوق البلاط امعلكه
متعلكه ابراس الابو حضن الها تحته ما لكه
متطرزه ابطشت الذهب لكنها وسفه امشككه
بيها الصور متناقضه بس من تضمه اتفاركه

طفت عالوحة شمعتها
ولهيب النار دمعتها

ابوها ابأقسه لوحه
سواد امغطي صبحه
___________________


وآخير لوحة البت علي شالوها بظهور الهزل
سلبوها من عد فاطمه ما خلو الزينب اهل
كعبه الحرم بيها التجت جم طفله حاطتها وطفل
لوحة كسيره امأسره مو هاذي اختك بو الفضل

اليسر ناره اشيطفها
وزينب تحترك بيها

مناحه ابعيد الاضحه
سواد امغطي صبحه