المشاهدات: 1450   المدة: 15:42   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
" ليهمك اتراضي افلان، والأهم ترضي الزهرهْ "

بهذا النهج أمضي ولا تتعجب
ياسامعي لو شفت شعرك شيب
لا مو غريبه بس يظل الأغرب

" من تنسه بيدك ألماس، وتركض تريد الجمرهْ "

للزهره أمضي وبالمصاعب لتطيح
وهذا المثل يكفيني عن التصريح
سد بابك ابوكت التجي منه ريح

" صرصر حچيهم موبوء، تحمل نوايا خطرهْ "

الما يگدر ابفعله إلك يوصلك
شيطانه يغويه ويريد اينزلك
اترفع إنته وخلي هاي ابعقلك

" قابيل حاسد هابيل، قيس اعله هاي الفكرهْ "

عوف اليريدك تلتهي ابقيل وقال
أثبت ولو كل آدمي اگبـالك مال
ايوصفك صغير الشافك ابراس اجبال

" بالخدمه شانك مرفوع، وغيرك سجين ابحفرهْ "

كل واحد ابدنياه عنده اهمومه
خل همك إنته اعله الگضت مظلومه
اعقد مجالس وابچي عالمهضومه

" وإعلنها جدام الناس، لاتخشه راي الزمـرهْ "

ياحسرتي للزهره لا لتهيدين
عالماتت ومكسور منها ضلعين
مدفونه ياويلي ابأثر حُمرة عين

" ابسابع سمه والمُختار، ايشوف ابوجهه السطرهْ "

هاي الوديعه أستُرجعت يالمُختار
واعله الظلمها يبدي حكم الجبار
ايجازي العصرها واللي وج باب الدار

" بالنار يصليه النار، ابقاع الجحيم ايعصرهْ "
______________

ولاها الماعرف دينه .. ولاها
سطرها وماسمع منهم .. ولاها
نعم ولية نذل وانذل .. ولاها
شتمتها وچنها موفاطم سبيه

اچفوف البين بيه اهواي .. لاكت
ولا بان الدمع عالصار .. لاكت
ولا ونيت من الضلع . . لكن
ونيني من مصاب الغاضريه
_____________

القصيدة: للشاعر عبد اللطيف خالدي
الأبوذيات: السيد عبدالخالق المحنة