المشاهدات: 708   المدة: 16:00   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة عِشـق ❤️♪
قصيدة : ما مرتاحة كلش هاي الأيام
للشاعر : سيد رفعت الصافي
ليلة 15 محرم 1443 هـ
: العزاء المركزي هيئة الحشد الشعبي - بغداد

ما مرتاحه كلش هاي الايام
مشتاگتلك من الخيمه للشام
▪️▪️▪️▪️▪️
هضمني الشال جفوفك بيده وناده
على عنادك سبينه عمة الساده
الحجر والرمل صار الرگبتي وساده
كلساع انضرب بقواس الاسهام
▪️▪️▪️▪️▪️
مو بيدي من اگلك حيل مشتاقه
رد يا با الفصل هو البشر طاقه
غصن الخوه بعدك تذبل اوراقه
وما ادري الزمن للفاگده شضام
▪️▪️▪️▪️▪️
حرگ گلبي الشمر من صاح انا القاضي
وابو فاضل اخوج اصبح فعل ماضي
راسك عالرمح واني ادري ما راضي
يهتز الرمح من كل كتر گام
▪️▪️▪️▪️▪️
ما مرتاحه واذاني الحچي الزايد
ابد ما ينعرف واحدهم اشرايد
عشر اوجوه عدهم مو وجه واحد
كل غايتهم يشوهون الأسلام
▪️▪️▪️▪️▪️
الى من كان يفديني بنظر عينه
هاي الفتره اختك حيل مو زينه
توجع گلبي جلمة كافلج وينه
نار بگلبي تشبه نار الخيام
▪️▪️▪️▪️▪️
واحد گال زينب خل نبچيها
ما عدها عمام وتفزع عليها
لو عدها اهل چا طالبوا بيها
لا تخلونها ترتاح وتنام
▪️▪️▪️▪️▪️
اهل الشام من وصلتهم اخبارك
واحد گل للاخر عيدك مبارك
يا كافل خدرنه والله مختارك
أمن لا يظل بالك عالأيتام
▪️▪️▪️▪️▪️
ما بيها امان الدنيه وتجامل
وتنزل العالي وترفع النازل
غصبا على الدنيا عاش ابو فاضل
ولكل ثورة صار القائد العام
▪️▪️▪️▪️▪️
بسلاسل مشن گوه يا سبيهن
حرم والمشه وياهن ياسبيهن
سبيهن من اذكره يا سبيهن
مثل يوم السبايه يصير بيّه
▪️▪️▪️▪️▪️
جثث وخيام محترگه وراها
صبوره والوكت زينب وراها
مشت للشام وتعاين وراها ‏
عسه يرجع كفيل الغاضرية ‏
▪️▪️▪️▪️▪️
عشت بالحزن ما ادري كمالاي
ولطم الصدر حسيته كمالي
ابد ما لاي يا دمعي كمالاي
على زينب لمن راحت سبيه