المشاهدات: 1545   المدة: 20:05   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة أحمد العثمانيے
[ ما اسأل بعد عن الگبر وين , طلع گبر الزچية بگلب الحسين ]
ذكرى إستشهاد فاطمة الزهراء (ع)
الحاج باسم الكربلائي 2019 م - 1440 هــ
الليالي الفاطمية 1440 هـ
أداء: الحاج باسم الكربلائي
كلمات: الشاعر محمد العقابي
المكان: هيئة أولاد علي - واسط
____________________________________________

الكلمات

ما أسأل بعد عن الگبر وين
طلع گبر الزچيه بگلب الحسين
لذلك صرت أزور حسين مرتين

بعد ما اگول أدور وين عن گبر الزچيه
شفت عدها گبر موجود بأرض الغاضريه
خَلّو تسحگ اعله حسين خيل الأعوجيه
دروا بي دافن ابگلبه ليالي الفاطميه

واگول ابكربله واحساسي موجوع
سلام الله على مكسوره الضلوع
وبوقت الزياره ابروحي حزنين
لذلك صرت أزور حسين مرتين
________________________

صرت كل ما اشوفن باب اريدن ضلعي اكسره
من يحچولي عالبسمار أحس ابصدري حسره
مدري اشيلچم بروح يم كل طاري عصره
أريد اسنيني من عاشور لحد مجلس الزهره

من ابچي الليالي الفاطميات
اگول حسين اظنه ابهالشهر مات
روح ويه امه ماظن همه روحين
لذلك صرت أزور حسين مرتين
________________________

هيه الزهره بالإحساس صارلها مدينه
تون كل مجلس من ايصير لحسين وونينه
أحسها اتگول آ يـحسين وأدري الأم حنينه
وأقره نوحي عالأولاد يازهره الحزينه

أحسها اتگول لو وكت العزه حان
انا الوالده والقلب لهفان
دمعي ولطمي صار لفاطمه دين
لذلك صرت أزور حسين مرتين
________________________

لگيت ابعمري عاشورين مجالسهن ثجيلـه
محرم والليالي هاي عشتهن ليله ليله
اتلاثه لفاطمه اروايات كل عام اوقليله
وغير حسين وام حسين ماعندي وسيله

وانا ابابهم ماعوف هالباب
وقاري بالجرع والحزن جلباب
مثل هذا الشرف يتحصل امنين
لذلك صرت أزور حسين مرتين
________________________

عشت كل عمري اشوف حسين يشكر باليخدمه
واليبچي ابعزه الزهراء حسين ايكرمه نسمه
ابعين الله چبير ايصير من ايسجل اسمه
اشمحلاها إذا يرضون عني هوهَ وأُمه

وانا حسين ابويه وعاشگه هواي
وبكل المواقف واگف اوياي
مثل الدمعه أبد مافارگ العين
لذلك صرت أزور حسين مرتين
________________________

گمت كل ما ازور حسين وأسلم روحي بيده
أحس ابفاطمه اتنشف بعدها ابدم وريده
واكض شبابجه واتمنه وتگلي أخذ التريده
أحس الزهره تقره اوياي من أقره القصيده

مو بالكيف دمعي ايصيح واحتار
أشوف الفاطمه بإحساسي تذكار
النفس يخنگني ويأذني ضلعين
لذلك صرت أزور حسين مرتين
________________________

بلا شك هالمجالس هاي حضور الزهره بيها
تجي واتشوف ياهو الجاي منو اليبچي عليها
عمت عيني على الضلعين تمشي امخليه إديها
لو بيدي تظل ترتاح وانا ابدمعي اجيها

رايح حيلها من عصرة الباب
تره ماعايزه تتچمل اصواب
لو يندار درت الصابها البين
لذلك صرت أزور حسين مرتين
________________________

ابمجالس فاطمه اتربيت اموتن بيها رايد
ويشيعوني اليخدمون والزهره تشاهد
ينلف الچفن ياريت اوراق القصايد
لطميه الدعاء ايصير لو يدعيلي واحد

حسين ايگلي راح أمي اتلاگاك
باب الجنه باب ام الحسن ذاك
على خدمتها رايد أمضي عمرين
لذلك صرت أزور حسين مرتين