المشاهدات: 435   المدة: 4:26   الدقة: عالية
التصنيف: صوتيات دينية   الكلمات الدلالية: ميثم التمار، علي الزينبي
تعليق بواسطة Sky Legend
ما نعوف زيارتك - الشيخ ميثم التمار - علي الزينبي - ميثم التمار - (حصرياً) | محرم 1442هـ - 2020 مـ
Maytham Al Tammar - Ma Nueuf Ziaratak (EXCLUSIVE) | 2020

كلمات : عباس الغزي
توزيع : محمد الغراوي
ماسترينغ : قيصر الغراوي
تنفيذ : MT



كلمات القصيدة :

مانعوف زيارتك بالأربعين
نبقى مشايه على مر السنين

كل وكت ثابت عزمنه
غير دربك مايلمنه
---------------------
هالمواكب سيدي رهن الأشاره
شكثر تخسر بس ربح عدها الخساره
خدمتك اعظم عمل واشرف تجاره
وأبد ما تتعّوض ايام الزياره

سفرة تنمد محد يجوع ويحير
بدربك يوزّع التاجر و الفقير

وبالسمه يرفرف علمنه
غير دربك مايلمنه
-------------------
يبقى دربك للبشر نور و هدايه
بيه ربينه وبيه ثبتنه اعلى الولايه
ما نخاف ونسحگ ظهور المنايه
ازغار واكبار اعتنينه وي السبايه

الشايب المحني الظهر رادك شفيع
والزغار تواسي عبدالله الرضيع

بالنواصب مايهمنه
غير دربك مايلمنه
----------------------
عهد كل عام اليمر ذكرك نعيده
مانبطّل والمشي عدنه عقيده
شلون مانمشي المسافات البعيده
وزينب من الشام اجت تمشي وحيده

مابردنه وبينه جمرة كربلاء
أيد تخدم وأيد تلطم بالعزاء

بسمك انشّدت حزمنه
غير دربك مايلمنه
-----------------------
تحت أمرك كل وكت هاي المسيره
جيش معروف أوله ومجهول أخيره
هذا فرض المشي وتعظيم الشعيره
شلون مانفزع لبو الفزعة الچبيره

تبقى عايش بينه رغماً عالطغاة
والمگابر شاهدة اعلى التضحيات

بس الك رخصّنه دمنه
غير دربك مايلمنه
---------------------