المشاهدات: 472   المدة: 5:37   الدقة: عالية
التصنيف: أشعار وقصائد   الكلمات الدلالية: ايهاب المالكي
تعليق بواسطة أحمد العثمانيے
حصرياً .. (مسألة وطن) الشاعر إيهاب المالكي 2019
=============================
درس بس فجأة يتوقف
رصاص يچوي باب الصف
طفل يسأل طفل شتگول
نشرد فردي لو نصطف
برا المدرسة الدنيا نظرها انكف
ذنوب تصاحفت بجفوف
تتطلخ شما تنظف
وبگلب الجوامع چان
مصحف لازم بمصحف
تخشى من اليرتلها
آلآف الركع بالليل
شردت من نوافلها
الكنائس دم يضل الها
عرفت مريم العذارء
گدر هيرودس يندلها
مدينة تلعثمت كلها
البساتين التلاثت خوف
من طارت بلابلها
بجذرها ابتدت كل نخلة
تدور شي مهم الها
هلبت تلگى شي مضوم
بي عنوان شاتلها
رايات المنية السود
سد عينه الفرح ظلها
مدينة اجتاحها الشيطان
وأحكم كل مداخلها
عگل هزلت، مو كلها
خوذ شربت الشايلها
الذبح نحر الكحل حكمه
جزاءه عيون ما ذلها
چم حرّة سحبها السوط
من معصم جدايلها
مشت خامة الجسد مجبور
بس عيونها لخلها
عطشانة المطر عطفة
صداها اتچتف بضعفه
طلعت روح خطوتها
گبل لا تدخل الغرفة
الف قصة دفنها اجلاد
كل بيت الوگع سگفه
مدينة تمشى بيها إبليس
فزع كلمن يعرفه
مدينة لو دعت تبجي
دمع قارب نساه جرفه
دعت والله تلاحگها
گبل ما عالظلم تغفى
وي ما كبرت الظلمة
ووصل خيط الشمس يطفى
وگع كوكب الفتوى وگاع الأرواح
وسطع ضيّ الزلم والليل أخذ سدْ
وتشلبى اعلى الهلاهل صوت الأقسام
وبدة يذوب الصخر والموتى تگعد
ما راحوا مثل حاجوز الأغراب
الفضت فضت، المافضت يرد
لا بل من مشوا صاحلهم الموت
الله لو مثلكم كلمن يهد
نشامى ونسجوا من الدم حجابات
طفوا غيظها اعلى المعركة تصد
أمان تراكضوا بحفور الوجوه
الگبل چان اليفخخ بيها يلبد
وگفوا على الساتر وگ​فة سباع
ماگالوا أنّدهم بلكت ترد
ولا أسلّم وتسلّم والقصص هاي
ولا عفواً ولطفاً أو مع الود
إلك نص ساعة گلوله أنت تختار
وراها البي بخت من الدنيا يشرد