المشاهدات: 925   المدة: 14:30   الدقة: عالية
التصنيف: صوتيات دينية   الكلمات الدلالية: مسلم الوائلي، Zahraa Al obaidi
تعليق بواسطة عِشـق ❤️♪
يبـن الحسن ماضل صبر ومتانين
بيك الله واعد زينب ابثار حسين
بچتلك اليتامه .. دعت تجي ابسلامه
بيك الله واعد زينب ابثار حسين


من غيابك الشيب العمر
ناذر مسافات الهجر
كل الليالي ابلا فجر
حزينه حزينه
ياخذنه ليليه النشد
بجروحك انروح ونرد
چم بسمله تريدك حمد
تجينه تجينه

ياغريب وحزنك اكبر من غربتك
تنشد الدنيه اعله چف يمسح دمعتك

جروحك چبيره وكربله اتهد الحيل
يلـ تنلچم كلما يمر طاري الخيل
على صدرك علامه
بچتلك اليتامه
بيك الله واعد زينب ابثار حسين
___________________________

چم موعد ابموعد عبر
يالكاسر اغيابك ظهر
فوگ الكسر يم النهر
ظهركم ظهركم
شمعـطلك وحتـى الصبح
كلما طلع يلچم جرح
مايل يـمهدي اعله الرمح
نحركم نحركم

مااريد اكثر اسولف خاف اجرحك
بس الحسين انسحگ والداسه يضحك

ماي وتبده اعله الرمل صدر حسين
تسمع خواته من النحر بس اونين
ونسلبت العمامه
بچتلك اليتامه
بيك الله واعد زينب ابثار حسين
___________________________

زينب على اعتابك هوت
عگدتلك الشيله وابچت
عالتل حچتلك وانحنت
مصيبه مصيبه
شفت ابظهر عاشور امس
ماينحچي ولا ينحبس
وجوه اوعبي من الشمس
غريبه غريبه

نمشي وحسين ابرمح وي الضعينه
اشما يصد لعيوني ينزف من جبينه

تعبني يم عون الرمح يچـوي الـراس
خلي العتب وكت المسه يم عباس
من تلتم النشامه
بچتلك اليتامه
بيك الله واعد زينب ابثار حسين
___________________________

وينك تعبنه من العتب
غيابك لهسه بيا سبب
حزنك باليـحبك كتب
عذابك عذابك
حسينك ضمه الطف تعبه
وفراگ الاكبر شيبه
وزينب لهسه امتربه
اعله بابك اعله بابك

تانت وحبل السبي بعده اعله اديها
لوترد الها الكفلها لو تجيها

وگفتها عطشانه اعله بابك مولاي
من العاشر الحد هسه ماشربت ماي
ياصبرك اشمرامه
بچتلك اليتامه
بيك الله واعد زينب ابثار حسين
___________________________

البعيونه شايل غربته
ماتلگه ضحكة ابشفته
بس يدري انه ادري بلوعته
وعذابه وعذابه
والذبحوا اهله وكلشي اله
كل علة بي من كربله
وچماله ياوادم هله
بخرابه بخرابه

ظلمه وصياح الخرابه ابلايه شمعه
ازغار وكبار اعله راس حسين تنعه

يجبر مصايك ياحـزن عن الصار
والمر امس بأهلك ولا يگضي بثار
ماتكفي له قيامه
بچتلك اليتامه
بيك الله واعد زينب ابثار حسين
___________________________


كلمات الشاعر - حسن التـرابي