المشاهدات: 76   المدة: 3:04   الدقة: عالية
التصنيف: أشعار وقصائد   الكلمات الدلالية: عبد الكريم القصاب، محمد الاميري
تعليق بواسطة أحمد العثمانيے
دوية عاصفه وطوفان ماي آسود ،
وكل موجه حلك للحوت .
كراسي المالها جذور بضمير الكَاع ...
تسكر من عطر دم ودمع ياقوت ..
والطير الغريب يمص حلاة التوت ،
طير النار مص القوت .
وآحنا نعاين مغمضين ،
يعيب العيب ...
بثوب الخوف ندفه والوطن عريان ...
وكحل عين الشمس ممدود بالتابوت .
كل دكَّة كَلب خايف ...
تطفه شموع ومرايات ...
وتطيح الدموع بكحل الحديثات ...
ونجوم الكَصيبه تصير ...
سبحه بأصبع الطاغوت .
رمد عين ورماد بيوت ،
وآحنا نعاين مغمضين .
وجع وصياحنا مشاور حمام ...
وحزن بالبسكوت .
حيل نخاف .
ما نرمش .
خاف آبن الحكومه يفوت ..
ويشم ريحة السكته ...
وبعدها نموت .
ليش نخاف ؟
كلّش مايله الدنيا .
يالله نكَوم نعدلها ...
ونعلّيها آببيارغنا ...
ونطلع يونس آمن الحوت .
ليش نخاف ؟ كلنا نموت .
كل يوم اليمر بسمار للتابوت .
دنيا مجافيه آموليه ..
وبخيت الشافله تابوت
بخيت الشافله زاتوت .
ليش نخاف ؟ كلها تموت .
على عشبة خلوده هام كَلكَامش .
داخ وما لكَاله غير شهكَة موت .