المشاهدات: 540   المدة: 8:41   الدقة: عالية
التصنيف: صوتيات دينية   الكلمات الدلالية: صالح الدازي، محرم
تعليق بواسطة Netero
أداء الرادود الحاج#صالح #الدرازي
كلمات الأستاذ #نادر #التتان

إنتاج الدازي للإنتاج الفني

------------------

خلينا الزهره
مكسورة خاطر
يا عُظم الحسره
من حادي العاشِر
واشلون بمأتم ..ما نقدر نلتم
من حادي العاشر
***

رجع عاشور و في وجهه
حزن من كل سنه أكثر
يشوف الكون كئيب اشلون
كأنّ العالَم اتغيّر
رجع و الزهره بعيونه
و يرتّل سورة الكوثر
يسايل وين مضيف احسين
وش اللي صار بعيد الشَر
-
أنا الزهرا ال تحبوني و تذكروني بألم
إجيت احضر مآتمكم و اوزع جم علم
-
غُرَف في الجَنّه مبنيّه
لكل مَن أخلص النِيّه
و ذرف عَبره و لطم صدره
وحضر مَجْلِس حُسينيّه

بس وين اللّمه
يا شيعه اشصاير
ماشوف الزحمه
لوليدي الحاير
متعوده اعليكم .. يل أحضر ليكم
من حادي العاشر
***

خجلنا اشكُبره يم احسين
وضعنا ال ما يسر مُتعِب
مآتِمنه ال تلايِمنه
محد بيها السنه يندِب
واذا اجروح الولد زادت
يحق للوالِده تعتِب
نحس بالويل اذا جى الليل
بلا امضيفِ و بلا موكِب
-
على احسين وعلى امصابه الجمر ساكن مُهَج
نزور و نقرأ و ندعي عسى ييان الفرج
-
تعوّدنا نواسيكم
و نلطم في مآسيكم
واذا ينسى الطفل أمه
محد في الشيعه ناسيكم
-
خل يدري العالَم
ما ننسى الحاير
كل منزّل ماتَم
كل مدمع ثاير
آمنّه بدمّه .. واتزيد الخِدمه
من حادي العاشر
***

أنا الزهره ال يألمني
إذا اوليدي انهضم حقّه
كفايه الهََم كفايه الدَم
كفايه الدنيا مِختَنقه
كفايه استوحشت زينب
يعين الله على الفُرقه
محد يا ناس عقب عباس
يطفّي اللوعه و الحُرقه
-
هضيمه لا قِراءه و لا عزا اشلون الحزِن
وانا ادري بكل مُحِب لهفه ويظل قلبه يحِن
-
تفجّر منحره بدمّه
و ملايك نزلت اتخِدمه
سلام الله على نحرك
على اجروحك يبو اليمّه
-
لبينه بدمنه
يا هَل من ناصر
ياربي ارحمنه
بحسين العافر
ثبّتنه بدربه .. وانعيش الغُربه
من حادي العاشر