المشاهدات: 576   المدة: 11:56   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة عِشـق ❤️♪
قصيدة : امنين أجيب الماي
للشاعر : حاتم صبري الكاظمي
____________
منين أجيب الماي .. يبني يا علي
دربي بعــيد هواي .. يبني يا علي
____________
يبو عيـون الحــلـوه رِجــعَت ذابله
الچان گلـــب الـمــاي گـلبـه ايغازله
مدري أبچي مدري اصيحك يا هلا
شســوت بوجهــك يالاكبــر كــربله ‏
ظليت أنه بلا راي .. يبني يا علي
دربي بعــيد هواي .. يبني يا علي
____________
يا حــسافه و ما يـِصِــح بلا سَـبَـبْ
الماي بالطـف يبني أغله من الذَهَبْ
هذه أمـــر الله لـ بَني الزهره انكتَبْ
تموت وانته لسانك من الحر خِشَبْ
وبروحي حَزَّت هاي .. يبني يا علي ‏
دربــي بعـــيد هواي .. يبني يا علي ‏
____________
الـ مــاي گــالــو ينــمِنِــع عـن الخيام
كل بنـــي الـزهــره يشــربونه حــرام ‏
گمت اشوف العطش مثل الطير حام
ظــامــــي عــبد الله و لا يــگدر ينام ‏
لو بيدي من عــيناي .. يبني يا علي
دربــي بعـــيد هواي .. يبني يا علي ‏
____________
انچان ظامي جفني أشرب مدمعه
و ليــله خَلْ گلبــك تــروي بالدُعـه ‏
ما أدز عبــاس صــوب المـــشـرعَه ‏
خوفي يوگــع و الچفوف امگطـعَه ‏
دور ابو فاضل جاي .. يبني يا علي
دربــي بعـــيد هواي .. يبني يا علي ‏
____________
ودَّع أمَّـه و مـوت بعيونه انرِسَم
باس عبد الله ويعوذه من السَهَم ‏
صاح يا عباس أطلبك ها يـ عَــم ‏
دير بالك عله حســين و عالخِيَم ‏
و صاح الأبو رجواي .. يبني يا علي
دربــي بعـــيد هواي .. يبني يا علي ‏
____________
بالســلامه و لا ســلامه ايكلمِــه ‏
روح و اتوضّــه يالاكـــبر بالدِمَه
لو طِحِتْ يوليدي باوع لـ السمه ‏
جــايِبَــتْلَـك مــاي أمـــي فاطمه
يالـ ما بُــقـيت وياي .. يبني يا علي
دربــي بعـــيد هواي .. يبني يا علي ‏
____________
ابوذيات : طفاه ، وجها ، ماي لِكبر
للشاعر : ناظم الحاشي

اول هاشمي المظلوم طفاه
واول هاشمي بالعين طفاه
واول هاشمي ما عاف طفاه
واول هاشمي وافه الزجيه
____________
مو سيف بيمينه نار وجهه
ولا وجه ابوجه خيال وجهه
مثل جده محمد نور وجهه
نوره ونور ابو القاسم سويه
____________
كموج الاكبر بالطف ماي الاكبر
وعلى سوح المنايا ماي الاكبر
قبلهم شرب بالطف ماي الاكبر
على الكوثر من جفوف الزجيه