المشاهدات: 1558   المدة: 11:10   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
مهدينه من يظهر .. لكسر الضلع يثأر .. ثار النبي وحيدر
.. يزهراء .. يزهراء

من يظهر القائم .. دولة عدل راسم
مايبقه كل ظالم .. أمره أمر حاسم
واعله الثأر عازم .. والشيعة تتبشر
يزهراء .. يزهراء
_________________________

مولاتي يالزهره .. والقائم ابأمره
لثارچ نذر عمره .. نصر العدل نصره
ويرجع السطره .. يصفع وجوه الشر
يزهراء .. يزهراء
_________________________

عن فعلة الثاني .. ظل صابر امتاني
چي امره رباني .. والمهدي عنواني
والقاصي والداني .. يحضر إذا كبـر
يزهراء .. يزهراء
_________________________

ضلعچ يظل شاهد .. والمنتظر قائد
يعرف شكو حاقد .. واحد وره واحد
والباقي والشارد .. يتحاسب ويحضر
يزهراء .. يزهراء
_________________________

سيف العدل سيفه .. بكيف الله وبكيفه
ياخذ بعد حيفه .. من ربنا تكليفه
والباري تشريفه .. لآل النبي الأطهر
يزهراء .. يزهراء
_________________________

يكشف على گبرچ .. نصره كتب نصرچ
عمره فده لعمرچ .. وبطلعته ايسرچ
هذا عوض صبرچ .. مولاتي يالكوثر
يزهراء .. يزهراء
_________________________

صح الگلب ذايب .. بس ربچ الكاتب
من يظهر الغايب .. للحاقد ايحاسب
هذا اقل واجب .. من الأمل يكبر
يزهراء .. يزهراء
_________________________

كلمات الشاعر - عمار هليل الواسطي

.