المشاهدات: 180   المدة: 5:02   الدقة: عالية
التصنيف: أشعار وقصائد   الكلمات الدلالية: ايهاب المالكي، Zahraa Al obaidi
تعليق بواسطة Zahraa ❤ Al obaidi
مواطن صالح وردت افهم الفكره
إذا ماصير صالح ياتُره اشـيجره
انه المبتسم بس بيته أبتنـك مسـگـوف
انه الحاسب الزخه احساب بـالگـطره
انه المن تنحفر روحه
الجروح اتفيض
انه البيه نفس مضموم للذكره
انه اللازم اتعب مااضايـگ خاف
ابو فَيّ الثخين احچايـتي اتكدره
منيتي احچايتي وزلة الساني الراي
مجبور أنصب الينعرب بالكسره
غصن بالشجره لكن غصن مامحسوب
حي الله غصن تچمالة الشجره
يطيني للوطن جم نسمه بس بالليل
ياخذهن امربع حسره وي حسره
اضم احلامي حته اسمع احلام الغير
ممنوع انقري ومسموح لي من اقره
صـفگت ابدمعتي اشـگد لـ اليـضحكون
وعلى وجهي ملامح سنبله ابصحره
انه ابـالي وطن بس بـاله مو ويـاي
چـم مره التحبه ابـگلبك اتـعذره
لإن ما واگـف اگبـاله نساني ايجوز
ما بْيَـن خيـال الواگـف ابـظهره
عشت بي حارس وماعندي شي يـنباگ
إلا أچـم حلم ماينذكر سعره
اعله صوت الدمعه افز مرات
ادور زين مضمام الجفن خاف انبگـت عبـره
مو مالي الوطن لكن مـچلب بي
تـجرعت اعله موده المُره والمُره
رغم آنه أول اليـدعوله من ايـطيح
وأول عين لجله اتگـابل الحضـره
واول واحد الينـخاني من اتضيـچ
واول من يهـد رشاشتـه ابـكتره
واول من تگاسـمت السنيـن ويـاه
واول من ايشد اعله البطـن صخـره
واول عاشـگ الخاطر حبيبه ايموت
والنفس المُحب يدفع سعر گـبره