المشاهدات: 1882   المدة: 14:05   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
طف كربله
ناقص هله
يالتكرم ابدمائك

سابع صفر
سم ونحر
يجتمعن ابعزائك

فارغ مكانك چان اهناك ...
كل ما اريدك ما الگاك ..


اخوك انه ابطشت راسي وذكرتك
يا ما حاضرني تذكر من حضرتك
شفت كلشي وردت منك نظرتك
والوادم مو اوادم ياحسرتك
گطع راسي الي ماكل من سفرتك
ولا غزر ملح بيهم صحبتك

ثوب النفاق ابحب عادك

كل ما اريدك ما الگاك
___________________________


شحلاته ابكربله إيصير المعسكر
اخويه الأكبر ابصف ابني الأكبر
اليلاگيكم يلاگي ابوجه حيدر
بدر نهر الفرات وجيشه خيبر
احد زينب جبل واعليها نفتر
نحج حج الخيام ونبني منبر

مو من خشب
مــن الأملاك

كل ما اريدك
ما الگاك
___________________________


طلع من الخيم شـاب ابغيابك
ابـشبابه اتخيلت انته ابشبابك
الف رحمة صحت خويه الترابك
رفع راسك لبس بالطف ثيابك
إجاني وبيده من عندك جوابك
ابمصابه يا اخي اتكرر مصابك

ترس السمه
ابعين الأفلاك

كل ما اريدك
ما الگاك
___________________________

ابو فاضل سأل عنك سمعته
مثل طيحة جبل طاحت دمعته
العلم ويا ولون حاضر رفعته
گبل چفه الگطع چفه گطعته
وفائك يمكن ابعينه طبعته
طفه وعين وبقت عين اعله إخته

عباس اسمعه
اشيحچي اوياك

كل ما اريدك
ما الگاك
___________________________

سوالف كربله اهوايه وعديده
شعر مايكفي لو تكفي قصيده
رضيعي ابحضني من گطعو وريده
من اگماطه يخويه طلع إيده
يگاعد بالسمه دمه بريده
اجاك وما رجع يين الصميده

دم الطفل
لمن ناداك

كل ما اريدك
ما الگاك
___________________________

طلعت الوحدي والله وحده يدري
عطش وجهي ودموعي تربه تجري
انادي يأختي واختي تنادي خدري
ردت وگفة اخو يلزملي ظهري
شفت بس الشمر حز بيده نحري
شفت بس حافر اليمشي اعله صدري

هل من مناصر
من فرگاك

كل ما اريدك
ما الگاك
___________________________

لون بعدي يخويه انته حاضر
منو يوصل خيمنه امن العساكر
ابد ما رخصت وطلعت حراير
ولا وگعت يتيمه ابنص حوافر
ولا صار الي هسه ابراسي صاير
ولا ماتت رقيه اعله المناحر

صاحت رقيه عمي أرجاك

كل ما اريدك ما الگاك
___________________________


كلمات الشاعر حمزة السماوي


كتابةَ Zahraa Al obaidi