المشاهدات: 4003   المدة: 8:49   الدقة: عالية
التصنيف: أشعار وقصائد   الكلمات الدلالية: فاقد الموسوي
تعليق بواسطة ❀ ♬ Ashk
ياسيد الحومه .. شو طالت النومه ... !

طبو عليه الخيمتي . اي كوم اخذ حيفك

يعني إلا اكلك يالكمر . اي سلبوا سيفك

بس آنا شافتني الزلم . اوضلت ابكيفك

اوضلت ابكيفك ....

ماعودتني اعله الضرب .. ولا عاشرت وادم غرب .. عفيه وبعد عندي كلب .. وجروحي ملجومه

ياسيد الحومه .. شو طالت النومه ... !


__________

عباس رايح من صدك ! . تقنعني ماشوفك

يالحته شدت معصبي . اتذكرني بجفوفك

يالزارع ابكل خطوه دم . وبكل كلب خوفك

وبكل كلب خوفك ....

والعدهه اخو مثلك شهم .. تدنه لخيمهه الزلم .. وكبال عينك تنشتم .. يالشايعه علومه

ياسيد الحومه .. شو طالت النومه ... !

___________


مو حالفين انضل سوه . شو بطلت جنك !

هوه انته منك ينشبع ؟ . حته آنا امل منك

عاشكتك الناس الغرب . مو حكي اعشكنك

مو حكي اعشكنك ....

من طاح الاكبر دمدمت .. وكبال اخيك ضهضبت .. بس من اجيت اتبسمت .. خافني مهضومة

ياسيد الحومه .. شو طالت النومه ... !

___________

يالمدري شنهي اتصورك . ليل وسمر وشموع

يالتارس اعيوني ضحك . متروسه هسه ادموع

بضوعي اقسملك قسم . مابكت عندي اضلوع

مابكت عندي اضلوع

من الضرب عبني انطفت .. وضلوع ظهري اطبكت .. وحسين جثته اتهشمت .. وانسلبت اهدومه

ياسيد الحومه .. شو طالت النومه ... !

___________

كد ما بضلك فكرت . مافكرت بإبني

تاليهه عياس اصبحت . ياهو اليجي ايسبني

غثاني من عدهم نذل . واعله الوجه ذبني

واعله الوجه ذبني .....

معكود بجفوفي الحبل .. كلساع يهطرني النذل .. اتراجف ودمعي يهل .. ومسيت مندومه

ياسيد الحومه .. شو طالت النومه ... !

______________

ودعتك الله ياشهم . يالموش ناسيني

راح امشي بأكتار الزلم . وانذال توليني

مطفيه عينك بالسهم . ريت انعمت عيني

ريت انعمت عيني .....

مو هين افراكك علي .. بس يا تره اشيحصل بدي .. لو كمت سو لحسين في .. لا تخرب ارسومه

ياسيد الحومه .. شو طالت النومه ... !


____________

قصيدة " مو حالفين انضل سوه "

كلمات الشاعرين احمد المشرفاوي و منتظر الحسناوي

اداء فاقد الموسوي 2014


_______

تدوين زهراء العبيدي ٢٠١٨