المشاهدات: 1063   المدة: 8:44   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
لابوفاضل راح اسولف كون تسمعني الناس
اهواي غلطان اليگلي الماي ماعنده إحساس
النهر من چان يعطش يركض اعله العباس

يشرب ماي چان من اعيونه
و يصعد غيم حته يحترمونه

يعباس يادخيل اچفوفك
يعباس يادخيل اچفوفك
________________________

الجود لوجبريل شاله ينكسر منه اجناح
وكون يم عباس آدم چا شرگ بالتفاح
ابوفاضل سهم چنه عدل يوگف لو طاح

مو من طين الله خالق هيبته
من حسين چان ماخذ طينته

يعباس يادخيل اچفوفك
يعباس يادخيل اچفوفك
________________________


آنه سامع من اهلنه شما الك شارب طال
لازم اتزور ابو فاضل يله تطلع رجال
من ظهر حيدر ادخيله وعالگناطر خيال

گلي امنين هالوقار الشايله
انته اهلال لو مهرتك مايله

يعباس يادخيل اچفوفك
يعباس يادخيل اچفوفك
________________________


بالكرم بس الهواشم همه الاول لا غير
وانته چفك يابوفاضل بالهوه إيوكل الطير
دوم گاعد بالمضيف اتصيح الله بالخير

سمره اتفور عامرات إدلاله
ريحة هيل چهبت الخياله

يعباس يادخيل اچفوفك
يعباس يادخيل اچفوفك
________________________

امحير وكل القصايد ماتوصف معناه
وآنه اگول احچايه وحده وعدله كلش وياه
من اگولن ابو فاضل لازم انصيح الله

حرت اوياك والقلم ظل حاير
يعباس مايوصفك شاعر

يعباس يادخيل اچفوفك
يعباس يادخيل اچفوفك
________________________


مشية عد العرب صارت علي إيسولف ناموس
انته ساكت يبوفاضل كلشي ساكت متروس
يا فصل غصبن عليهم شايليـنك عالروس

حيدر گال العرب كلها اگبالي
بس عباس كشختي وإعگالي

يعباس يادخيل اچفوفك
يعباس يادخيل اچفوفك



________________________


كلمات الشاعر - السيد محمد الموسوي

________________________

كتــآبةة Zahraa Al - obaidi