المشاهدات: 4712   المدة: 8:02   الدقة: عالية
التصنيف: صوتيات دينية   الكلمات الدلالية: عمار الكناني، قحطان البديري، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
نهر ثالث بالعراق * * ايفيض ملگه واشتاق

ما تسمع غير الهله * * من البصره الكربله

نهر ثالث بالعراق


اشما تمد عينك تشاهد رحمة الله ابهالمسيره
نهر فايض مايه

لا فرات ولا هو دجله نهر ثالث عدنه اسمه
سفرة المشايه

فرشناه وخلطنه الروح بالزاد
بخيت الزاد ينطي الرايد امراد
موائد نازله امن الجنه صوبين
هذا كله من خير أبو السجاد

جنة وانهار وعيون ** فكلوا ماتشتهون

تلگه اشما تتأمله * * من البصره الكربله

نهر ثالث بالعراق
______________________________

جنة الله نزلت النه الخير ممدود اعله طوله
اشما تمد انظارك

بيها ما لارأت عين ولا أذن سمعت مثيله
ولا ينر يأفكاره

الهله اشمحلاتها من اتودي وتجيب
ومن السان وگلب تلگه التراحيب
وإذا ابعين البصيرة اتعاين اتشوف
ملائك لابسه اثياب المعازيب

لو تعاين للسماء ** تلگه موكب انبياء

للزاير تستقبله * * من البصره الكربله

نهر ثالث بالعراق
______________________________


ارفض ايقيسون حاتم بلي ماعنده ويكرمك
شوف جود الفقره

غير ميدور وجاهه واحنه ردنه ابهالضيافه
ترضه عنه الزهره

دفـك اعيون گلبك واعتني وشوف
على حب الحسين انحب الضيوف
كرمنه من ابوفاضل اخذناه
الاخوة طلبته وانطاهه الچفوف

ليجي ايزور الحسين ** افراش عين وغطه عين

كلمن فاتح منزله * * من البصره الكربله

نهر ثالث بالعراق
______________________________


هم شفت سفره ابحياتك للي ياكل منها تشفع
تجي وتمحي اذنوبه

والي ماقدس ملحها نعمة الله بي تشور
هالماح بي حوبه

وين الناس باچر والخدم وين
طريق الخدمة فوز وقرة العين
ضمان النه جهنم الما تجي صوب
النبت عظمة وكبر من زاد الحسين

فكلوا من طيبات ** المات ظامي اعله الفرات

سفرة ربنه المنزله * * من البصره الكربله

نهر ثالث بالعراق



_____________________

كلمات الموفق الميرزا عادل اشكناني

_____________________

كتابة ~ Zahraa Al obaidi