المشاهدات: 2559   المدة: 18:53   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
هاي الخرابة وهذا موعدنه
هذا المكان البي تواعدنه

بس لا يجيني وإيده مگطوعه
بس لا يجيني امكسره اضلوعه

اضلوعه


احمل .. للخل .. شوگ العطاشه النزلة المطره
حني .. وني .. ون اليمين ابطيحة اليسره
وضعي .. دمعي .. دمع الأمير وخادم إيسطره
نظرة .. حسرة .. حسرة شجاع وغلبته الكثره

عيني اعله دربك وانعمت عيني
بعمر الطفولة وشابت سنيني

من لوعه أطلع اوگع بلوعه

بس لا يجيني امكسره اضلوعه

اضلوعه
_______________________


اصبر .. واذكر .. آخر كلامه من ركب مهره
انتي .. بنتي .. صبراً يبويه والبُعد فتره
اني .. ظني .. هالليلة تنشف دمعتي الحمره
اشكي .. بلكي .. ماشوفه راجع بثنعش طبره

هالليلة حتماً يحضر الغالي
يشكيلي حاله واشتكي حالي

وامسح دموعي ابجمرة ادموعه

بس لا يجيني امكسره اضلوعه

اضلوعه
_______________________


امسه .. هِسه .. هاي الخرابة وانتظر وعده
لهفي .. خوفي .. باقي أثر للحافر ابخده
صبري .. مدري .. وشلون أشبگه ورگبه ماعنده
حالي .. تالي .. احسب جروحه وچم كسر عنده

خلي يجيني ابجثة متوذره
عندي علامة الرفسه البصدره

لا ما يغيب وبنته مفجوعه

بس لا يجيني امكسره اضلوعه

اضلوعه
_______________________


ويلي .. ليلي .. ليلة لقانه والوعد گرب
انعي .. وأدعي .. لحظة وفاتي ابجيته يارب
گيدي .. بيدي .. ماي العذب وآنه انتظر وانحب
وحدي .. قصدي .. حته اگله يالعزيز إشرب

إشرب يظامي وينجلي همي
ماي الأرض مايسوه چف عمي

كلمة يـعمي ابروحي مطبوعه

بس لا يجيني امكسره اضلوعه

اضلوعه
_______________________


احلف .. واعرف .. شكله تغير واختلف شكلي
وني .. يعني .. بحيره شگله وهوه شيگلي
والحل .. ماظل .. حادي الظعينه بيه شمـخلي
نكبه .. صعبه .. گيد إديه الي ذبح اهلي

لمن يجيني وبيده ياخذني
ياحيرتي من ينظر لإذني

بالله شأجاوب آني مصفوعه

بس لا يجيني امكسره اضلوعه

اضلوعه
_______________________


عندي .. ودي .. لمن يجيني الليله والينه
ردته .. أبخته .. ساعه اعله متني ايخلي چفينه
أضمن .. حتماً .. أنظر الحافر دايس ابعينه
وانسل .. واسأل .. يبن الزچية خنصرك وينه

أصغر مصيبـه صعبة اشرحها
بوية اليتيمة احچاية تذبحها

ابليل السباية الونـه مسموعه

بس لا يجيني امكسره اضلوعه

اضلوعه
_______________________


هضمه .. ظلمه .. هذا الطشت ارعبني من شفته
نحرك .. عطرك .. رغم المصايب آني ميزته
إحساسك .. راسك .. مدري اشيگلي وآنه شابگته
وافهم .. واعلم .. هذا لقاء الوالد ابنته

گلي يبويه اعله الوعد آني
عوفي الخرابة وأغفـي بـأحضاني

چانت يبويه النومه ممنوعه

بس لا يجيني امكسره اضلوعه

اضلوعه


_______________________

كلمات الشاعر السيد عبدالخالق المحنة

_______________________

كــتابة Zahraa Al obaidi
_______________________