المشاهدات: 255   المدة: 14:10   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ♪ Ašk ♪
كلشي انحسب دين بدين .. وانته الخدم واليها

.. ١ ..
فاتح مضيفك للخلك يومية
لاهل السمه ولاهل الكره الارضية
والله ونعم يالجابتك بدويه
شما تطلب الناس اشكال .. ضعف الضعف تنطيها
كلشي انحسب دين بدين .. وانته الخدم واليها

.. ٢ ..
يعيون زينب والحسن وحسينك
يالوازنت ارض وسمه بجفينك
فدوه اعلة عبدك سيدي حط عينك
وبداعة سكينه عليك .. ايدك علي خليهــــا
كلشي انحسب دين بدين .. وانته الخدم واليها

.. ٣ ..
حامي المحامل والنعم من زودك
خيري ومقام ونعمتي من زنودك
حتى النهر من يصمه يروة بجودك
يالسفرتك گد الكون .. والخدم تاكل بيها
كلشي انحسب دين بدين .. وانته الخدم واليها

.. ٤ ..
رب العلم حامي الضعن والساقي
يابا الفضل وقعت الك ميثاقي
لو ينگطع نحري بخدمتي باقي
خادم خدم خدامك .. بغالي الثمن شاريها
كلشي انحسب دين بدين .. وانته الخدم واليها

.. ٥ ..
ما اريد ابد عن خدمتك تبعدني
وبيك اكثر واكثر بعد سودني
ويوم الحشر يابا الفصل تكفلني
خيمه وتلم بالخدام .. فوگ السمه معليها
كلشي انحسب دين بدين .. وانته الخدم واليها

.. ٦ ..
ما اسوه وعيونك فلس من دونك
ارد انحسب مثل الذي يخدمونك
ما اعوفك وصار العقل مجنونك
من عالم الذر ولهان .. روحي العشگ جازيها
كلشي انحسب دين بدين .. وانته الخدم واليها


كلمات :
علاء عبد الحسين الكربلائي