المشاهدات: 2500   المدة: 17:06   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة أحمد العثمانيے
الليالي الفاطمية 1440 هـ
قصيدة: وحشه هالليله
أداء: الحاج باسم الكربلائي
كلمات: الشاعر السيد عبدالخالق المحنه
المكان: حسينية المرحوم داود العاشور - البصرة
____________________________
الكلمات

وحشة هالليله علينه علينه علينه
راحت أمنا من ادينه ادينه ادينه
........................................
وحشه والسبعه هوت عالسبعه
وحشه والدمعه تريد الدمعه
طاحت الخيمه ابرحيل البضعه
وَنت أيتام اعله ضي الشمعه
موحشه وظلمه المدينه المدينه المدينه
راحت امنا من ادينه ادينه ادينه
........................................
راحت أمنا وبيتنا ظل خالي
حتماً الغالي يحن عالغالي
غيبة الأم يعني غيبة والي
ابكل زوايا البيت تتراولي
وسفة ابلا أم بقينه بقينه بقينه
راحت امنا من ادينه ادينه ادينه
........................................
يالفكدت أمك حلم بعيونك
تحلم ابكلمة ييمه اشلونك
هيه صبرك بيمن ايصبرونك
جبل يذبُل شايله اعله امتونك
يصعب افراق الحنينه الحنينه الحنينه
راحت امنا من ادينه ادينه ادينه
........................................
كل شبر بالبيت تركت ذكره
صحره كاع الله ابغياب الزهره
ننظر اعله الباب شفنه الكسره
ننظر الحايط نشوف العصره
والأخو نسمع ونينه ونينه ونينه
راحت امنا من ادينه ادينه ادينه
........................................
راحت وراح الأمل وياها
هيه دنيا وماتت ابدنياها
من حلكها اليا هلا اشمحلاها
لو بدينا كلنا نمشي وياها
ما نوافي اشما بجينا بجينا بجينا
راحت امنا من ادينه ادينه ادينه
........................................
أمنا راحت للقبر مظلومه
والسمه موحش بلايا انجومه
لعنة الله اعله العصرها وقومه
نامت وكل الضماير نومه
للخلق جانت سفينه سفينه سفينه
راحت امنا من ادينه ادينه ادينه
........................................
كلمات الشاعر - السيد عبد الخالق المحنة