المشاهدات: 2976   المدة: 20:09   الدقة: عالية
التصنيف: صوتيات دينية   الكلمات الدلالية: عمار الكناني، علي عويز الشويلي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
ودعوني

أداء: الملا عمار الكناني
كلمات: الشاعر علي عويز الشويلي

مونتاج وتنفيذ: حارث العكيلي
مكساج الصوت : عباس الحواج

المجلس: جامع ذي الفقار- العراق - بغداد
محرم الحرام 1440 هـ


الكلمات
_____

ودعوني
وبللت لحيه ابوي ابدمعتي
ودعوني
ايدي ماتركت عباية عمتي
كلهم اتوسلت بيهم
ودنكت بوست اديهم
وما خذوني .. ماخذوني

.....................

من درت باجر سفرهم روحي باتت هايمه
ه والصبح كعدوا لكوني ع الهوادج نايمه

ركبوا سكنه لطمت عيني وبجيت
ركبوا خوله وعلى الكاع انجفيت
وصلوا العمتي زينب وانعميت

ابجي واركض
وجرحت الكاع
من كد عثرتي
وشلت اديه
لجن ما مدولي
اديهم اخوتي

ليش عفوتهه حزينه
التسموها حنينه

ماخذوني .. ماخذوني
.................

حضروا نوك الظعينه وانه يمهم كاعده
اتعجبت محد سألني لهسه شو ماصاعده

وانتظر من والدي كلمة تعاي
يله ع الميمون صعدي وهم كفاي
ابنيتي وين اتروح لو ظلت وراي

واتركوني وكام عبدالله ينوح ويلتفت
جن يكلهم الظعن وكفوا انه مضيعلي اخت

اشلون اعيش الدنيه بعده
اخذوني اناغي واهز مهده

وماخذوني .. ماخذوني

...................

انه اخاف الوحدي اضلن بويه فدوه اخذوني
ووين ماشفتوني اتعب امشوا و عوفوني

بالدرب خدامتك يابويه اصير
وحته لو يلفاني موتي بالمسير
بويه ما اتعبك بالحفر كبري زغير

من سمعني حسين ظل صافن عليه ابلا حجي
ومدلي ادينه وطاح من ميمونه من كثر البجي

و ركضوا اخواني عليه
وكلت اروحن هايه هيه

وماخذوني .. ماخذوني

.................

اتأكدت آنه ورقيه بعد مانتلاكه
من مشوا ذبت عليه روحه امن الناكه

اختي واتنفسها اكثر من هواي
وبويه متعوده من اديها آخذ دواي
اتركها يمي اتكودني وتنطيني ماي

كل خواتي يمي ليليه كبل يتسامرن
ها يروحي اشلون بيج الوحدج كلهن مشن

حلفيت اهلي ابغلاتي
خل اروحن وي خواتي

وماخذوني .. ماخذوني

..................

يابوفاضل واعدتني اتحطني بين اعيونك
وهسه عمي احسبني جربه وشدني فوك امتونك

وانته ماتحمل غيابي انه ادري بيك
يالحنيت الجنت اعوف امي واجيك
افتحلي ذرعانك اريد اشبك عليك

وياك اخذني حته من تتوضه اكض اعمامتك
اعليك اسولف وامسح اتراب السفر عن وجنتك

وجانه الحسين وحضنه
وكمنه نبجي وما سكتنه

وماخذوني .. ماخذوني

....................

كلمات الشاعر علي عويز الشويلي

....................

Zahraa Al obaidi