المشاهدات: 487   المدة: 6:14   الدقة: عالية
التصنيف: أشعار وقصائد   الكلمات الدلالية: احمد الساعدي و ايهاب المالكي
تعليق بواسطة Zahraa ❤ Al obaidi
دورلك وطن غيري .. وطن بي حيل
بعده ابواهسه وتكعد ابفي جنحه

وطن كل ماغفه توعي صلاة العيد
شسوي ابوطن ينذبح من يصحه!


وطن مابدلك بثاني
دخانك ابقمصاني
اريدك تبتسم مره
عليك ابداعت احزاني

تباره ويالزعل ذمه
طمن حضنك بلمه
امسح دمعتك هايه
حلوة بعينك البسمه

إذا ناسي .. تعب ناسي
دمعتي كبالي اذكرها
هوه انفاسي .. حجه احساسي
حسرتي الما كلت سرها

علك لي الفرح رايه .. محروس بألف آيه
ماينزل دمع منك .. انا انطيتك احجايه


لون ليلك ابكمره
مليت السمه الحمره
ضم حلم الثلج بيدي
بدال احلامك الجمره

وطن تستاهل احجيله
حكايات الالف ليله
جبت كل العمر تسمع
حكايات الالف جيله

ي بيريتي .. انا امنيتي
اسوي لضحكتك زفه
يكل صيتي .. ونفس ريتي
ي لون احجايتي الترفه

اريدك تلزم اجفوفي
يعكوب ويرد شوفي
بغيابك نهر خالي
بس الحيره بجروفي


أحبك كلمة من خاطر
قصيدة وحيرت شاعر
جانت معركة وقلمك
كتبها من على الساتر

تغير عيد ميلادك
لحظة لمة اولادك
بعد بليل من تغفه
إيدك مو على زنادك

تضل غافي .. على ضفافي
تغطي روجتي بجنحك
خذو صافي .. الحزن كافي
اريد اتعطر ابصبحك

رجعت لوعيي وادراكي
راح اكطعلك اشواكي
لون ابيض يرد ثوبك
بعد ماتلبس الخاكي




..

كلمات الشاعر : إيهاب المالكي ٢٠١٨

..

تدوين : Zahraa Al obaidi