المشاهدات: 1035   المدة: 6:23   الدقة: عالية
التصنيف: صوتيات دينية   الكلمات الدلالية: حسين فيصل
تعليق بواسطة أحــمــد
وين وين
من إصدار #الحمدلله لمحرم 1443
اداء : حسين فيصل
كلمات الشاعر: كرار حيدر الخفاجي
الهندسة الصوتية والتوزيع: استوديو سيفن- حسين فيصل
تصوير : فراس الحواج
تنسيق: محسن المخرق
مونتاج وألوان: استوديو سيفن - مملكة البحرين

كلمات:
وين وين . يادنيا تجمعنا بعد
وين وين . انته ابلد وانه ابلد
ابحث عليك ابكل صبح
ماادري راسك عالرمح
وين وين . انته ابلد وانه ابلد


انه العزيزة ابنيتك محسوبة عالحبايب
اسأل منو ماكو حجي يستوعب المصايب
كالوا مسافر والاصح جثتك على الترايب
وانه وراك اتعودت عالنومة بالخرايب
ليش ليش . وانه بعمر رابع سنه
ليش ليش . صح طفله بس ظهري انحنه
يالشابع ارماح ونبل
مو محتمل لم الشمل
وين وين . انته ابلد وانه ابلد


يامن بقيت ابكربله للشام انه ارتحالي
بويه ولعلمك مانمت مرتاحه هالليالي
ياراحة وسياط الشمر ماخلت اعله حالي
واسمع يشتمك حرمله كلما صحت يغالي
آه آه . ومتوني مو مالت ضرب
آه آه . والناكه عرجه بهل درب
طحت وبعد ماكو رجه
ومحد يصعدني اجه
وين وين . انته ابلد وانه ابلد


جان الحبل بيدي خشن وانه شكثر نخيتك
ردتك تفل مني الحبل بس وسفه مالكيتك
كلشي نسيته من التعب بس انته ما نسيتك
سلبوا تراجيي ونحت جانن لان هديتك
خوف خوف . كل الملامح مرعبه
خوف خوف . بح صوتي وينك يا ابه
وين انطي وجهي ليا كتر
وبكل كتر خولي وشمر
وين وين . انته ابلد وانه ابلد


بويه الخرابه موحشه مثل القبر عليه
احتاجيتك وردت تجي ماريد اضل سبيه
لن غفله مرتني وحلم بي ريحة المنيه
وانمدت ايدك وسمعت تعالي يارقيه
راح راح . يجمعنا بالشام الوكت
راح راح . بس انته راسك بالطشت
نتشابك ابشبكة حزن
خاطر سوه انسد الجفن
وين وين . انته ابلد وانه ابلد


كلمات الشاعر : كرار حيدر الخفاجي