المشاهدات: 1739   المدة: 16:00   الدقة: عالية
التصنيف: صوتيات دينية   الكلمات الدلالية: مرتضى حرب
تعليق بواسطة Suhaila wisam
يالأكبــر طب انته ابديها
موش إحنا انطب ابتاليها

ومن تثگل صيح لعمك
تلگـا يتمايل يمك

وانطـب آنه ويـاك اعليـها
___________________________

سيوف أهلك بيهن شارات
ابكل ملعب مامسـبوگات
تحزم يابزر العفيات
واستنگي الراوي

جدك حيدر موش افلان
طب وتبختر بالميدان
بحومتهم مامش بيبان
تقلع مناوي

غير انه ابظهرك طب إلها . چنها تريد اتميل اعدلها

انته ابن حسين ابكبره . طب ظهر العايل كسره

هك چف ايدي اتحزم بيدي
___________________________

عمي ابشر خلك مرتـاح
آنه الزلمه الما ينـزاح
بالميدان اچفوفي اوكـاح
تختار القاده

عنها ابن القائد لوغاب
مامعذور لأي اسباب
آنه ادخل للحگ طلاب
ياعم الساده

ياعمي إنته اتعرف الفارس . ليش اتفزعه العندك دارس

گله آنه ادري بك تفزع . يـالأكبـر ماتتفزع

ياگدها وزود وراعيها
___________________________

ياشيخي وياشيخ المـاي
آنه المنك بيه اهـواي
يتونس سيفي ابيمناي
ياما خليه

وآنه انطيته احچايه اليوم
گتله أطلع يالمـا مضموم
اليوم افطر كافيـك صوم
واهتز حسيته

متعود يتلاگه وياهن . حسيته اشتاگ لملگاهن

بس عاين ياعمي انتـه . شراح ايسوي الفزعتـه

وداعة عينك راح افنيها
___________________________

گادر يالأكبر ادريك
فارس ماينزاد إعليك
ياچف يوصل ليك
يالبيك اعنـادي

غيظك من شفته ارتاحيت
انطب آنه وياك تمنيت
ناوي اطشرهم حسيت
كل صوب ابـوادي

غيظك متخوصر بعيونك . وامتچي السيف إعله امتونك

من شفتك هيچ امحزم . طلعت من گلبي التسلم

اعرفتك رايتنا اتعليها
___________________________

صاح الملعب من صوبين
المجبل بس لاشبل حسين
القائد گل للقائد مين
نشرد دليني

اتوسط بالميدان وگال
الواگف عسكركم خيال
وچف ايده العباس انشال
ماتـرسوا عيني

مابيهم خيال ابثگلي . لاقادها ولا الـ ابحلي

عيدالله ايـردهم وحده . وهـم كلش موش ابگده

الإيد الترجف مالاويها
___________________________

بكر اختاض ووده اجنود
ومو حي الله اجنود حيود
والتفـوا عالأكبـر عود
بس لفهم سيفه

طب قائدهم عود ايريد
ياخذ ثاره من الصنديد
ولن شبل حسين ابفرد إيد
گص راسه ابكيفه

رد ايهز بيده وزعلان . ماتـرسوا راسه الفرسان

الماينرد رد العمه . سيفي ايگله آنه امعلمه

ارجال الما تنعد آنه اجزيها

___________________________

كلمات واداء __ مرتـضى حــرب