المشاهدات: 1889   المدة: 8:40   الدقة: عالية
التصنيف: صوتيات دينية   الكلمات الدلالية: حسين الاكرف، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
يامنصور .. انه باليجري عليه من الله مأجور
وبعاشور .. لازم ابقه عالتراب ونحري منحور

بأربعة آلاف نازل .. رايد ابصفي تقاتل
وانه مكتوب ابقه وحدي
يامنصور

هذا منصور ابكتيبة امن الملائك
كاصد ويانصار ابو اليمه يشارك
نازل الطف كربله وخلفه الملائك
مزدفين

قائد الجيش وتعنه اليوم عاشور
بيده حربة نار راكب خيل من نور

يطلب الرخصه يريد ايحارب ابصف الحسين
جاوبه حسين بكلب ثابت يقينه
وبإعتقاده
وغيرة الله كلها تنضح من جبينه
ابهالإرادة
يا ملك ربي يريد انقذله دينه
بشهاده

انه حسين .. لو اريد اكلب الدنيه برمشة العين
بس للدين .. الله سبحانه وتعالى اختار سبعين

لوردت خوض المعارك
ماني محتاج الملائك
كافي العباس عندي

يامنصور
_____________________

انه كادر وحدي ارد جيش اليجيني
والافلاك السبعه مرهون ابيميني
لكن اتقدر عليه ابكربله ابقه ذبيح
وحته تبقه الله اكبر عالمناير
كون جسمي ينسحك حدر الحوافر
وحته يبقه الدين قائم
كون من مهري اطيح

لوشفت طيحتي من صهوة جوادي
وسرجي مايل
ولو شفت تكطيع جسمي
بالهنادي والعواسل
وزينب من التل تناديني وتنادي
يابوفاضل
وانه هناك ..اوكع ومثلك عليه اتنوح الاملاك
والأفلاك .. نجمه تردم نجمه وانته اتشوف عيناك

عاري ومسلبين جسمي
ابقه عالتربان مرمي

والشمس تحرك ابخدي

يامنصور
____________________


حكمه الله اتجلت ابهاي المصايب
ما إذن لك تنزل ابصفي تحارب
فاتك الفتح المبين ومادركته ابنصرتي
لكن الله شرفك تشريف ثاني
باجر ابعاشور لو موتي لفاني
تبقه مستوطن اترابي وما تفارك حفرتي

وانتو شعثً غبرً ابكبري تطوفون
للقيامه
واليسلم اعليه لابد ما توصلون
لي سلامه
ولو ظهر ابني المهدي وياه تكونون
بإنتقامه
والموعود .. اهو المنصور الحقيقي
ويومه مشهود
حين ايعود .. يحكم ابحكمه وطريقة
آل داود

يظهر وهذا شعاره
يا لثار حسين ثاره
ابسهم عبدالله يبدي

يامنصور

____________


كلمات الشاعر - ميرزا عادل اشكناني