المشاهدات: 4429   المدة: 23:25   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
يانار الحشر .. بلغي الأمر
موت العده بكيفي
لو حل الغضب .. دمهم حطب
يشعل صبر سيفي

بثنين أعتلي .. عباس وعلي
...................................

عني بلغيهم هاشمي القائل
مايظل مجنون يحكم العاقل
مسلم إسرافيل عالأرض نازل
يبدي نفخ الصور لو بده ايقاتل
تنگلب بالكون دنيا بالكامل
لو تنخه وصاح يا أبوفاضل

حرب حرب حرب حرب
وجودي

علنوها الحرب .. رفضوا كتب
حلفوا عهد عنها
ذوله أهل الغدر .. واهل المكر
والله أنتقم منها
هذا اليوم إلي .. عباس وعلي
...................................

ربي خالقني طبعي عباسي
ما أدنـگ راس حتـه يم راسي
وين كلمن وين يجرح إحساسي
قسوة الكرار بالحرب قاسي
من غضب عباس كولشي ماناسي
احرگ الخيـال من هوه انفاسي

خطر خطر خطر خطر
وجاهم

محتاره البشر .. هذا الخطر
عالكوفة من طبها
من مسلم نزل .. لو محتمل
نازل غضب ربها

لو قادم ولي .. عباس وعلي
...................................

صـادر من حسين هذا تكليفي
قابض الأرواح وآخـذ ابكيفي
هذا يوم الثار يوم إرد حيفي
لو أذب الروس لو اذب سيفي
من إجاني الموت زاد تسريفي
ضيفي عزرائيل ياهلـه ابضيفي

أسد أسد أسد أسد
عليهم

عباسي الطبع .. لو تجتمع
كل البشر ضـدي
صگار الزلم .. بيه العزم
وافني الزلم وحدي

ليث ومن هلي .. عباس وعلي
...................................

كل ولد عالخال ماهي تعنيني
جندي لجل حسين علي امـربيني
ثلثي من عمي وثلثي لـحسيني
يعني للعباس بيـه ثلثيني
ترجع ابلا راس من تلاگيني
والله اذا حطيت عينك ابعيني

علي علي علي علي
ندائي

مصدر قوتي .. كل غيرتي
من عمي تكويني
هاشم مصدري .. دم حيدري
يجري ابشراييني

عزمي ومنهلي .. عباس وعلي
...................................

ياعلي أدركني من صحت بيهم
چن صـحت للنار هاچ احرگيهم
إلا أدوس خشـوم وإلا ابچيهم
ابدي بأولهم وانهي تاليهم
صگر فوگ الغيم نازل اعليهم
لمن عفت الروس بين رجليهم

غضب غضب غضب غضب
شعوري

يحسين الأرض .. بيـهم فرض
من أزعل افنيها
ياطفلة ابسبي .. يين النبي
تنجر تراچيها

وآنـه ابكاهلي .. عباس وعلي
...................................

بيـت ابو طالب ماعرف خله
مرة عدنـه الموت بالعـمر كله
إعفي يـبن زياد والله ماگـلنه
ذله وأهل البيت نرفض الذله
أنزل ابلا راس وأقبل السله
ولا عدل مذول راسي ينزله

رفض رفض رفض رفض
نهائي

ثابت موقفي .. وآنه أكتفي
واگف جبل عالي
لو سيف القدر .. فوگ النحر
ماينشغل بالي

والموقف جلي .. عباس وعلي
...................................

بالگـلب دگتين ميزن حـبي
ياحسين ايصيح من يدگ گلبي
دگه ياعباس تمحي كل تعبي
بيهن من النار ينغفر ذنبي
لوما حب حسين تيهت دربي
ولا عـرفت اشلون ينعبد ربي

عشگ عشگ عشگ عشگ
حسينـي

لحسين العشگ .. هذا الصدگ
هـذا العشـگ كله
الـرايد يحب .. والحـب عذب
حب يرفض الذله

بالعز مبتلي .. عباس وعلي
...................................

من دواهي الكون يبن مرجانه
يعله صوت لسان مثلك اويانه
لو امـلاگه سيـوف بيها تلـگانه
اليحچي مثلك هيچ نگطع السانه
ربنا خالقنا نحمي قرآنه
دمنا لجل حسين يجري شريانه

فخر فخر فخر فخر
ولائي

انه أول خبر .. يكسر ظهر
سبط النبي ابموته
راسي المرتفع .. ظل ينسمع
هيبة علي ابصوته

بالحق منزلي .. عباس وعلي
...................................

كلمات الشاعر المُخلص :- ناظم الحـاشي