المشاهدات: 1262   المدة: 14:24   الدقة: عالية
التصنيف: صوتيات دينية   الكلمات الدلالية: مرتضى حرب
تعليق بواسطة اميرالفتلاوي
رفن لأن گلبي يرف اوياچن،
انتن اذا رفيتن اشمحلاچن،
يارايات.. حبيبي حبيبي
يارايات.. حبيبي حبيبي

يالعاليات ومانزلتن
رفن يبعد اعيوني رفن
المشاي عزمة يصير منچن

لوشاف راية انلفت.. ومارفرفت بالهوه
المشاي يضعف عزمة.. وتبعد عليه نينوه
العطشان لو رفيتن.. جدام عينه ارتوه
بيچن اسم معشوگي.. وبكل ظلمة يفزع ضوه

اشبعده الدرب بس من اشوف الراية
مثل الضوه اخطف على المشاية

يمبردات.. لهيبي لهيبي
يارايات.. حبيبي حبيبي
-----------------------------------------------

ارد احچي سالفتي يوادم
بلوانهن دلالي هايم
من طاهه حد راية القائم

كل لون منهن ماخذ.. من گلبي وصلة وعلي
الخيط واحد منهن.. فدوة بيارغ هلي
بالمشي ارفع راسي.. الراية اذا تعتلي
ذمة چفن سووها.. الراية اذا اموت الي

براية المشاية هلي لفوني
بالموكب البي وزعت اتطوفوني

يمقدرات.. نحيبي نحيبي
يارايات.. حبيبي حبيبي
-----------------------------------------------

شايل الدنيه الشال بيده
راية نظر عين الصميده
اليمشي بعد شنهي اليريده

اشرايد اذا من يعثر.. اسم الله تگله أم حسن
الاملاك كلها تحسده.. هنيال رجليه مشن
المشاية مصدر غيرة ..وقصة عشگ للزمن
واحد يحزم الاخر.. يالله نلاگي الضعن

مشايتك يابوعلي امتانيها
ورايتي ابچفي سيدي امخليها

والخطوات.. نصيبي نصيبي
يارايات.. حبيبي حبيبي
-----------------------------------------------

الـ بحسابه هايه الرايه وصله
خل يتلفتلي ارد أگله
بـ هالراية لاذ الكون كله

الكون بيها محزم .. راية عزيز الگلب
السمه تنزل ليها.. هيچي ابد ماكو حب
الما بيها راية اتعلگت .. مظلوم هذا الدرب
ارتاح من الگاها .. بكل بيت لو صدفة اطب

ابداعة الراية الـ عالنهر طيحوها
هاي السنة رايتــهم كثروها

معگوات .. طبيبي طبيبي
يارايات.. حبيبي حبيبي
-----------------------------------------------

التعبه الريح وضل يگعده
من رايته تعبان زنده
اتهد والهوه اتصفعه اعله خده

تشبه اهلها الراية .. معلمها كلشي الگمر
اتفيي على الشايلها .. ولو عطش صارت نهر
يدري اكو مشاية .. العباس تمشي بصفر
اتچيله اموصيها .. المشاي كلما عثر

بالليل نومها اعله طبگة ايدك
احسب الراية اعز من اوليدك

متعنيات .. لغريبي لغريبي
يارايات.. حبيبي حبيبي
-----------------------------------------------

لو ماشلت راية حبيبي
معناها ماجازي حليبي
امشي اضل منا لشيبي

لو ما امشيلك حافي .. شلي بعد بالعمر
ينسيّ كلشي باچر ..بس كربله تنذكر
كون امن الاگي الزهره .. آثاري فوگ الصدر
وافتخر يمها ابمشيي ..لاگيت طود الصبر

الملتقى ابكربله يم الضامي
ابملگة الحنينه ارد اكسر اعظامي

اهنا جازيت .. حليبي حليبي
يارايات.. حبيبي حبيبي
-----------------------------------------------

كلمات واداء / مرتضى حرب