المشاهدات: 2066   المدة: 9:55   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة Zahraa ❤ Al obaidi
يـحـسـيـن.. مـن الـعـين ..حبك ينبع مجراه
بـكـل بـيـت.. خـطـيت.. إسمك يا ثار الله
بـالـخـواطـر - بـالـضـمـاير - بالمشاعر
إسـمـك يـا ثـــار الله

مـن بـدت سـاعة حياتي وإبتدت لحظات عمري
شـفـتـك تـعـيش بكياني حُبك إبشرياني يجري
عـالأرض خـطوة على خطوة محبتك ويايه تسري
ماغبت عن فكري لحظة بكل وكت إنت على فكري
حـبـيـت - حـسيت - أگرب من ضي عيناي
أهـواك - وألگاك - بـكـل لـحظة تعيش وياي
بـيـك أفـاخـر - و إنـت صـاير - بالمشاعر
إسـمـك يـا ثـــار الله

جـلـت الـخـالـق صفاته إلشيدت بنيان مجدك
حـبـك إتـمـلك شعوري ومهجتي لاذت بسدك
إنـت مـجـمـل كـل حياتي ولا حياة بغير ودك
وإنـت مـركـز لـلمشاعر ملتقى الأرواح عندك
مگطـوع - مـرفـوع - راسـك يـبن الكرار
هـالـراس - لـلـناس - كوكب يهدي الأبصار
نـوره زاهـر - لـلـبـصـايـر - بـالمشاعر
إسـمـك يـا ثـــار الله

إسـمـك بـطـارف لـساني ورسمك بدلالي غافي
الـمـحـكـمـة بحبك خذوني وآنه بأحضان المنافي
وبـقـلـم إيـمـان گلـبي وقعت فوگ إعترافي
وأعـتـرف لـو ما وجودك ما نزل وحي القوافي
أفـكـار - وأشـعـار - مـنـك وحي الإلهام
وأبـيـات - هـيـهات - توصفك يا بدر التام
اغـلـى ثـايـر - دمـه فـايـر - بـالمشاعر
إسـمـك يـا ثـــار الله

سـرك الـسـر الإلـهـي وما گدر واحد يعرفه
أنـظـر الـشـمس بجبينك لو شمس دنيايه تغفى
حـبـك تـمـلك شعوري وبالشعر أعجز أوصفه
إنـت إلـهـام الـقـوافـي وللشعر إسمك يشرفه
يـكـفـيـك - بـاريك - كاتب إسمك عاللوح
مـحـبـوب - مـكتوب - حبك بأعماق الروح
بـيـك أجـاهـر - وإنـت حاضر - بالمشاعر
إسـمـك يـا ثـــار الله

لا بـشـر يگدر يوصفك و لا ملك يعرف صفاتك
وصـارم إلـي حـز وريـدك فـتح بوابة حياتك
تـمـيـزت عـالناس كلها بمعجزة من معجزاتك
إنـت أول بـشـر أصـبـح مولدك ساعة مماتك
لـلـثـار - أنـهـار - تـتـفايض من كل عين
مـظـلـوم - يـا يـوم - يـحصل ثارك يحسين
گلـبـي شـاجـر - فـكـري حاير - بالمشاعر
إسـمـك يـا ثـــار الله
---------------------------------------------
للشاعر الأديب : جابر الكاظمي