المشاهدات: 407   المدة: 20:19   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة اميرالفتلاوي
قصيدة : يزينب يا اميره كربله
للشاعر : كرار حيدر الخفاجي
ليلة 22 محرم الحرام 1443 هـ
عزاء تجمع اهالي جميلة المركزي العراق - بغداد
.......................
يَـزيْـنَـبْ يَـاأمِـيْـرَةْ كَـرْبَـلَـه
.......................
فوگِ الهِزِلْ مَسْبِيَّه مَـا لِگيتِچْ
وِ الزِّلِمْ تِرْجِفْ كِلْهَا مِنْ مَشِيْتِچْ
يِخْسَه الشِّمِرْ يِوْصَلْ خِدِرْ ثِنِيتِچْ
صِيت اَبُوْ فَاضِلْ يَالعَقِيلَه صِيتِچْ
كَفِيلِچْ هُوَّه رَاعِيْ المَرْجَلَه
يَـزيْـنَـبْ يَـاأمِـيْـرَةْ كَـرْبَـلَـه
.......................
سوطِ اِعْلَه مَتْنِچْ هَاذِيْ مَا مَقْبُولَه
يَـاسـوطِ اليِهِزِّ الـجِـبَـلْ ، مَعْقُولَه !
دَرْبِ السَّبِيْ يَخْتِ الكَفِيلِ اِشْطُولَه
اِوْ چِنْتِيْ تَحَتْ فَـيْ الرُّمُحْ مَدْلُولَه
أمَانَه اِوْ عِنْد اَخُوچِ اِمْدَلَّلَه
يَـزيْـنَـبْ يَـاأمِـيْـرَةْ كَـرْبَـلَـه
.......................
مَهْيُوبَه وِ اِبْـغِيرَةْ عَلِيْ مَصْيُونَه
اليِنْظُرْ خَيَالِچْ الله يِعْمِيْ اِعْيُونَه
صوتِچْ يَـزينَبْ لَمَّنِ اِيْسِمْعُونَه
سيفِ اِوْ عَلَى اِرْگابِ الزِّلِمْ يِلْگُونَه
قِيَامَه اِوْ عَالعَسَاكِرْ نَـازِلَـه
يَـزيْـنَـبْ يَـاأمِـيْـرَةْ كَـرْبَـلَـه
.......................
لَمَّنْ خِطَبْتِيْ اِبْقَصْرِ اِبِنْ مَرْجَانَه
أكْبَرْ خَطِيبِ اِهْنَاكَه ضَمِّ اِلْسَانَه
گِلْتِيلَه : بِتْ كَاسِرْ خَشِمْكُمْ آنَـه
مَـا نِنْسِبِيْ وَ الله اِوْ عَلِيْ وَيَّـانَـه
خُطُبْتِچْ چَنْهَا يـومِ الزِّلْزِلَه
يَـزيْـنَـبْ يَـاأمِـيْـرَةْ كَـرْبَـلَـه
.......................
إنْتِيْ الأمِـيْـرَه العِجْزوا اِيْذِلُّوهَا
مَـا تِنْكِسِرْ رَغْـمِ السَّبِيْ شَافوهَا
صَحْ بِالخَرَابَه اِوْيَه الظَّعَنْ نَزْلوهَا
بَسْ لَبْوَه ظَلَّتْ وَ اَبَدْ مَا جِرْحوهَا
حِميتِيْ بِـالخَرَابَه العَايلَه
يَـزيْـنَـبْ يَـاأمِـيْـرَةْ كَـرْبَـلَـه
.......................
زينَبْ عُگُبْ مَا طَاح اَخُوچِ الدَّامِيْ
لِلثَّوْرَه صِـرْتِـيْ النَّاطِقِ الإعْـلَامِيْ
اِسْگيتِيْ المَبَادِئ وِ اِنْتِيْ گلْبِچْ ظَامِيْ
اِوْ عُگبِ الگُمَرْ لِلعيلَه صِرْتِيْ الحَامِيْ
يَزيْنَبْ صِرْتِيْ أعْظَمْ كَافِلَه
يَـزيْـنَـبْ يَـاأمِـيْـرَةْ كَـرْبَـلَـه
.......................
٢٤ / ٨ / ٢٠٢١ الثلاثاء
كرَّار حيدر الخفاجي
.......................
الك سم الغدر بالزاد ينداس
بيد الكضه سنينه عليك يندس
شنو صبرك وشفت حسين ينداس
بحوافر خيلهم فوگ الوطيه
.......................
ابحزنك ما نطاك الدهر ما هل
واشوف هلال ثارك بعد ما هل
على يوسف دمع يعگوب ما هل
مثلك من شفت عمتك سبيه
.......................
عليك شلون يبن الرسن ينجار
وانت وبالاجاره الك ينجار
جفك بالسلاسل حيل ينجر
واسير تروح بيد اشرار اميه