المشاهدات: 4754   المدة: 5:21   الدقة: عالية
التصنيف: صوتيات دينية   الكلمات الدلالية: قاسم الساعدي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
صدگ جسام يمه تنام .. امك من يباريها ؟

يشايل وين مخليني ... يشايل وين مخليني

مو تدري فراگك ياذيني .... يشايل وين مخليني

....................
آنه امك يـجاسم دمعتي اتسيل
اجيب منين گلي الفرگتك حيل

يبعد اربااااي .... ويبعد اچلااااي

صدگ جسام .. يمه اتنام .. امك من يباريها
اجاني الضيم .. مثل الغيم .. چا روحي اشـيضل بيها

((( ها يالعازتك عازه .. تدوهن گلبي وتوازه )))

هنا بعد أمك حاچيني .. يشايل وين مخليني

اجيب منين .. دمع العين .. كون اعيوني اعميها

بعد ماهيد .. روحي اتريد ... باچر من يداريها

.......................................

يشايل وين امخليني .. يشايل وين امخليني

........................................

گلبها ايساعده الله الفاگده وليد
ياجسام يالشوفك صفه ابعيـد

تعبني اربـاااك .. ودلالك ذااااك

رايح وين .. يل بالعين .. إسمك ماينسوني
ما تانيت .. ماخليت .. فرحة جيه بعيوني

((( شـأگل للروح يايمـه .. الهوه بلياك ماشمـه )))

يالطولك متوسط عينـي .. يالشايل وين مخلينـي

يبني أحا .. بيه الآه .. يالبيكم فجعتوني

وعمري الجاي .. مو وياي .. طولك يابعد لوني

......................................

يشايل وين امخليني .. يشايل وين امخليني

......................................

عرس وشموع يمه وصارت ادموع
يمن لحسين واحد من الضلوع

عمك صااااح .. يمك طاااح

ليش البين .. طگ العين .. طگه وعيني طفاها
ياسلواي .. يا بلواي .. روحي الهم تدناها

((( متت والمات مايرجع .... واعرفك يالولد تسمع )))

منتظرة المات ايلاگيني ... يشايل وين مخليني

ماضل حيل ... بيه الليل .... سواها التمناهه

ليش اتروح ... وانته الروح ... يمك يـمه تلگاهه

..........................................

يشايل وين امخليني .. يشايل وين امخليني

.........................................

كلمات سيد خضير العلاق
اداء الرادود قاسم الساعدي

محرم 1440 ~ 2018