المشاهدات: 1920   المدة: 12:15   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
يل ماشي بهل اضعون
أخذ وياك العيون
أخذ وياك العيون

شلي بيهه النواظر
وعنها انته تسافر
يالساكن بالظنون

عليله وگـلبي متعوب
واسولف ويه الدروب
هلبت ريحة اجـدام

ارد وفشلتي وياي
يبويه إيشيب اصباي
من اذكر ذيچ الأيام

آخ ومن يجي الليل
ييه افراگك ايعيل
تهيـج ابروحي الآلم

واسولف ويه العيون
وأگـلهن بلكي يلفون
اخلافك جـفني ما نام
_______________
يل ماشي بهل اضعون
اخذ وياك العيون
اخذ وياك العيون
_______________

خل طيفك يجيني
وبي يسكن ونيني
أرحم هالغريبه

عنك تنشد الروح
شأگـلها الغالي مذبوح
شيحمل هالمصيبه

أعوض وجهك اشلون
وملامح ذيج العيون
مثلك ماكو هيبه

وحگك يابوالدموع
فراگـك شـگ الضلوع
وخله ابگـلبي شيبه
_______________
يل ماشي بهل اضعون
اخذ وياك العيون
اخذ وياك العيون
_______________

يالخالي مچـانك
أنه أبعازة حنانك
يالكلك إحساس

منو الياخذ سلامي
مشتاگـه العمامي
خصوصاً عمي عباس

صارت كل حياتي
وي لمة خواتي
أحـن الذيچ الأنفاس

صدگ عبدالله ذبحوه ؟
بعد بيـه دللوه
يا خد گـلي ينباس

_______________
يل ماشي بهل اضعون
اخذ وياك العيون
اخذ وياك العيون
_______________

فشـل يامنبع الجود
مضيفك بابه مسدود
ياشيخ الهواشم

تطرگ صايره الدار
ما مر بينه خطار
عسه يالغالي سالم

يالتمشي ويه دمي
أحن لك وانته يمي
صدگ عالغبره نايم

ردلي ابداعة ارباك
ضحكتي وگـعدتي وياك
تره دلالي هايم

_______________
يل ماشي بهل اضعون
اخذ وياك العيون
اخذ وياك العيون
_______________

كلمات الشاعر :: حيدر الحمداني

-----------------------

كتـابة..Zahraa