المشاهدات: 3228   المدة: 7:40   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ᘓᓆɹɹ̈̇ɹc ♬✫♥️ ..❥
يبني يغالي، تبقه اعله بالي
هاي الوصيه يابو الدلال
اركض ابـ لهفه، من تمر زفه
واصفگ بديه واصرخ تعال

لو شفت وردة يسرح خيالي ابعينك
لو شفت شمعه اذكر جمال اسنينك
لو شربت الماي قسمته بيني وبينك
كل شاب اشوفه اوگع واگلك وينك

لا مانسيتك، واحفظ وصيتك
يالأغلى مني بَعـدك عَذاب

يمه ذكريني من تمر زفة شباب
من العرس محروم حنتي دم المصاب
شمعه شبابي من يطفوها
حنتي دمي والچفن ذاري التـراب
يمه ذكريني من تمر زفة شباب

بَعدك حسافه، يابو الترافه
رقة فراشه وسطوة هُمام
لو أغـفه صدفه، طيفي أعرفه
ركضة عُطـاشه حرگة خيام

عميه النواظر لاچن تشوف اوصافك
شافك سهمهُم بس العرس ماشافك
چلمة يـ يُـمه آخر كلام اشفافك
أم التفگدك حگها تجـن إخـلافك

لا شفت حِنه، لا شفت حَنه
طفت شمعتك ريح الغياب

يمه ذكريني من تمر زفة شباب
من العرس محروم حنتي دم المصاب
شمعه شبابي من يطفوها
حنتي دمي والچفن ذاري التـراب
يمه ذكريني من تمر زفة شباب

بينك وبيني، غُربه وحنيني
واشلون ازورك كبرك بعيد
يالما خذتني، ألمن عفتني
ماعندي غيرك وانته الوحيد

من يجن ليلي تبدي مواجع همك
بجفوفي انظر حنة زفاف او دمك
وارجع واشوفك ميت ابحملك عمك
لو موتي بيدي و الزهره اموتن يمك

حلمي دفنته، والعرس عفته
سكته ويسولف دم المُصاب

يمه ذكريني من تمر زفة شباب
من العرس محروم حنتي دم المصاب
شمعه شبابي من يطفوها
حنتي دمي والچفن ذاري التـراب
يمه ذكريني من تمر زفة شباب
____________________________

كلمات الشاعر : السيد عبدالخالق المحنة .