إحنه انصارك - باسم الكربلائي بواسطة ❀ ♬ Ashk في 2018/2/25 (منذ 6 سنوات) تنزيل (6.3 MB) رابط قصيرg+ftاغلاق
المزيد من المقاطع بواسطة ❀ ♬ Ashk
نرخص دمنا .. وتعلمنا .. بجامعة حيدر
وعرفنا معنى الايثار .. من مالك ومن عمار
======================
انصار الك يا حسين موعدنا بالطف حان يبن الوديعة
احنا اكتسبنا دروس من جامعة اعيان نهج الشريعة
عودك على بدنياه انصار اله واعوان جانت تطيعه
خيرتهم التمار والاشتر وسلمان قلعة ومنيعة
لحيدر نطوه نفوس صاحوا بلا اثمان للدم نبيعه
واحنا بأثرهم ذلك نمشي وتطيح ابدان لطف صريعة
احنا الصحبة واشرف نخبة ربنا اصطفانا
لا منبالي نضحي الغالي حبك دعانا
وادرسنا هاي الافكار من مالك ومن عمار
======================
بروح العزم والزود تقدم حبيب وصاح حيدر امامي
عقب الوصي الكرار بالحسن عن ايضاح صار التزامي
بنهحج الولاية مشيت والحسن لمن راح تعين نظامي
بيك آمنت يا حسين وانطاني ربي اوشاح عزة مقامي
مثل الوصي وعمار وياك آنا بالارواح عنك احامي
بوجه الذي يعاديك عن دافع الاصلاح اشهر حسامي
برغم الطاغي بوجه الباغي ارفع رهيفي
شيقدر خصمك يوصل يمك وبجفي سيفي
وهذا العزم عندي صار من مالك ومن عمار
======================
لن يهتف ابن القين وبيمنته المياد هذا آنا يمك
منهو الذي يدناك اقسم يبو السجاد بالزهرا امك
اقلب عليه الكون ترسانة ابن زياد لالا تهمك
حين الهجوم يصير تتكاثر الاعداد بالروح اضمك
اتمنى دمي يسيل لو صار الاستشهاد لا يجري دمك
مثل الوصي الكرار من بايعه المقداد بايعنا حكمك
ردود نبايع والما سامع خله يسمعنا
رغم الظالم انت الحاكم حبك جمعنا
تعلمنا هذا الاصرار من مالك ومن عمار
=======================
ثبت زهير عهود لن نافع ابن هلال يصيح وينادي
هذا آنا نافع جيت بمشابج الابطال الوي الايادي
سالم تظل يا حيسن لا تهمك بكل حال رماح وهنادي
شحده اليغير عليك بالسيف اصب زلزال فوق الاعادي
النا النصر مضمون ويصدق الاقوال صارم جهادي
من ميثم التمار راسم صحف امال اصل اعتقادي
بهمة ميثم راح اتقدم وتشهد الحومة
بسيفه يدافع عنك نافع ويرخص دمومه
وتوضحت هالاسرار من مالك ومن عمار
========================
من بعده عابس راح ومرافقات البين اخذن حسامه
شد همته بلا سيف راح اعزل الجفين لسوح الكرامة
لن البعض لاموه قالوله طالع وين دونك كلامه
جاوبهم اختليت جنني حب حسين ذبت بغرامه
محبة حجر حبيت من حب ابو الحسنين نفس العلامة
حبيت ابو السجاد والقلب قبل العين اعلن هيامه
بحجر الكندي تشبّه ودّي عاشق امامي
لو اتوذر ما يتغير شوقي وهيامي
وبقلبي حب الاطهار من مالك ومن عمار