المشاهدات: 6440   المدة: 19:17   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ❀ ♬ Ashk
اخوي

أداء: الملا عمار الكناني
كلمات: الشاعر علي عويز الشويلي

مونتاج وتنفيذ: حارث العكيلي
مكساج الصوت : عباس الحواج

المجلس: جامع ذي الفقار- العراق - بغداد
محرم الحرام 1440 هـ

الكلمات
____________________


وصلتله ولطمت عيني بيمناي
باقي اشويه منه ذاكه الهواي
ندهته عالنهر عباس عباس
شنهي اليوجعك اشرلي عالماي

اخوي .... اخوي .... اخوي


من بعيد تدوس اعليه شفتها الخيل والناس
كمت اصيح حسين ايروحلك فدوه يعباس
ما لكيت لا جف لا صدر لاعين لا راس
اتحيريت شآخذ للخيم منك يعباس
راح ارجع وواكف وسط الخيام
واصيح اتحضرن يابويه للشام

امشن للكفلجن شوفن اشلون
من صدره اطلعت للكاع السهام

اخوي .... اخوي .... اخوي

__________________


من هويت طلعت يابوفاضل للشمر عين
وظل يصيح ذبحته البي تزامط جنت يحسين
اخلاف اخوك نشوف اتضم بناتك عن زجر وين
وخل نشوف تجيب الزينب اختك كافل امنين

وانته اعله النهر طولت الفراك
عايف حضن اخوك وحاضن الراك

إذا ماترد يعباس وياي
شكو ترجيه ابإذن ابنيه تباك

اخوي .... اخوي .... اخوي

__________________

الهيبة ذاك التخط رجلينه من يركب فرس جان
عالتراب موذرته السيوف وطوله كصران
ابلا جفوف والباقي اعله زنده بس الردان
يالحنين الزلم تولي تره الماعنده خوان

ألمن بيك والوادم يطشرون
شماته وشألكه من عندك يضيعون
يخويه اشلون اشيلك والله محتار
ظهرك لو حملته اطيح المتون

اخوي .... اخوي .... اخوي ... اخوي

__________________

عالفرات الرماح ابصدرك امسويات بيبان
امفتحات والكلبك شفت واصل التربان
لاتموت تره ابخيمة خواتك بده الدخان
يالغيور والنسوان طاحت فوك نسوان

انته اتريد اضمد بيك الجروح
رقيه اتصيح بويه الحكلي وتنوح
اعوفنك يلجمك حافر الخيل
اضل يمك شمر لخيامك ايروح

اخوي .... اخوي .... اخوي ... اخوي

__________________

هذا اخوي ايكطعون النفس من اسمه ينجاب
سلبوه واشوفن حرمله ايوزع بالثياب
والخيول خذت من وجهه بحوافرها النكاب
ابلا ورد وشيباته شفتهن فوك الحراب

جودك عالنهر الكيته مكلوب
ويمه اعذرني خويه حسين مكتوب
وكل الزينب اختي ايكول عباس
اموتن والرقيه ماي مطلوب

اخوي .... اخوي .... اخوي ... اخوي

__________________

كلمات الشاعر علي عويز الشويلي