المشاهدات: 1398   المدة: 11:25   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ❀ ♬ Ashk
استمع صوت المراجل
بين الأكبر وابو فاضل
قائد يجاوب مقاتل
_________________
علي الأكبر عزم بيهم يطب
صاح يا عم ردت خطة حرب
عمي عباس لحط بيهم رعب
كون حملات غضب حيدر تصب

بچفك ارسمها رسم
والله لهدمهم هدم
ارد اشوفن يا زلم
استمع صوت المراجل
_________________
حيل عباس تبشر وابتسم
بچف الأكبر يحط بيده العلم
صاح اريدك مثل سيل وهجم
علي وياك يراعيها الشيم

لو صحت يا فاطمة
يعني ابدي الملحمة
وصيح يا حامي الحمة
استمع صوت المراجل
_________________
عمي عباس لكض الميمنه
وانته يا عم لواء تعاينه
رايد تشوف اذا زلمة دنه
يوصل شلون يمينك مسرفنه

عمي عاين حملتي
تميل بيهم رايتي
وشوف سطرت يمنتي
استمع صوت المراجل
_________________
صاح عباس اذا حيدر صحت
وثلث مرات عليهم كبرت
رد يزهراء عليه والتفت
اعني حملات علي اليوم ردت

يحله ميدان القتال
ياعلي بچف الرجال
وانته من حيدر مثال
استمع صوت المراجل
_________________
عمي عباس فقط ارسم هلي
وشوف يمناي عليهم تعتلي
ابتدي بصوت انه الأكبر علي
وادخل بزود مراجلهم هلي

وشوف زود الهاشمي
الهيبتك انه انتمي
ثار عندي فاطمي
استمع صوت المراجل
_________________
من اناديك اذا صوت اعتلى
حي على الزود يچف المرجلة
كبر بصوت يزلزل كربلا
ضيف الموت جثث واستقبله

الموت ضيف وگاصدك
يدري تكرم يمنتك
روح ضيفه بحملتك
استمع صوت المراجل
_________________
گاصدك ضيف فلا تتعذره
افرش ارواح جثثهم على الثرى
وصيح حياك فنيت الميسره
كله بثواب ضلعها الطاهره

ابدي بيها بسملة
تلگه عزريل بهلا
ارواحهم قد هلا
استمع صوت المراجل