المشاهدات: 2486   المدة: 10:56   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ‫محمد سعيد‬‎
أسعى سعيك يايزيد . آنه زينـب
كيد كيدك مايفيد . آنه زينـب
____________________________

لحـظة تاريخية چانت خطبة الشام
خطبة السيدة زينب طيحت اصنام
گالت ايزيد ومكـانه تحت الأقدام
وانه لبـوة حيدره ولبـوة الإسلام

بيه قصرك ظل يميد . آنه زينـب
كيد كيدك مايفيد . آنه زينـب
____________________________

والله ماتمحي ذكرنه اشما تحاول
بينه الله خـله نص قرآني نازل
نحن انزلنا الذكر ونحفظه گايل
إحنه ذكر الباري نبقه وانته زايل

انته مو گدي شتريد . آنه زينـب
كيد كيدك مايفيد . آنه زينـب
____________________________

مو سبيه لاتظن زينب سبيه
گالت إحنه نبقه أسياد البريه
آل طاها احنه وانتو آل أميه
فرق مابين الثرى ويين الثريه

ابمجلسه ظلت تعيد . آنه زينـب
كيد كيدك مايفيد . آنه زينـب
____________________________

خل تگول الناس كلشي وتحچي عنك
عالي شاني يبقه وإنته ازغيـر شأنك
انه اخاف من الله بس ماخاف منك
هذا خدري يايزيد أتمسه فنك

خاسر ويـايـه أكيد . آنه زينـب
كيد كيدك مايفيد . آنه زينـب
____________________________

امسلمتك بيد الله صوت الحره ناده
حاشه ربنا ماهو ظلام ابعباده
ابوجهه صاحت عدكم انتو الذله عاده
واحنه من الله كرامتنا الشهاده

عن دربنـا ما أحيد . آنه زينـب
كيد كيدك مايفيد . آنه زينـب
____________________________

بالقصر من دخلت وبيديها الحبال
ظنهم ايذلوها بس اتغير الحال
شو قصركم خالي گالت چنه اطلال
ماأشوف اگبالي واحد وين الرجال

انتو گدامي عبيد . آنه زينـب
كيد كيدك مايفيد . آنه زينـب
____________________________

اسعى سعيك يايزيد وكد بكيدك
ناصب النه بالعداء وخلي جهدك
خاسر انته لئــن الله يدري قصدك
رايك وكلك بـدد انته ويـه جندك

يبقى بس رايي السديد . آنه زينـب
كيد كيدك مايفيد . آنه زينـب
______________________________

كلمات الشاعر : انيس الخفاجي الكربلائي