المشاهدات: 2946   المدة: 12:07   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ❀ ♬ Ashk
اضعف الايمان دمعي

أداء: الملا عمار الكناني
كلمات: الشاعر علي عويز الشويلي
مونتاج وتنفيذ: حارث العكيلي
مكساج الصوت : عباس الحواج
المجلس: جامع ذي الفقار- العراق - بغداد
محرم الحرام 1440 هـ


الكلمات
___________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي

____________

عاشـگ حسيني گـبل لا يخلقوني
وآنه طين وع الخيم صبن عيوني
آنه جيت من المهد واضح جنوني
امن ابچي ابـصورة حسين ايسكتوني

يعشـگ العباس نوحي
وتحسب الحوراء ونيني
انته حر اختار دينك
وآنـه راس حسين ديني

خل يـخسف ضـلعي چفـي

الك دينك والي طفي
____________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي

____________

مو لجل مال وبنون من ادعي ربي
ادعي يرزقني حوافر ترض صدري
مدة القدرِ لحد طلعة الفجرِ
ومدةَ اجنوني لحد طلعت المهدي

الناس تتمنه المعالي
ودها تصعد للثريه
وآنـه اول امنياتي
اتراب تسحگـني رقيه

وتمطر اسياط اعله چـتفي
الك دينك والي طفي
____________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي

____________

آنه لا عربي ولا عجمي الهويه
آنه جنسيتي قصيده منبريه
تابعوا اصلي ولگـوا بالغاضريه
عبد من ظهر السلاله العابسيه

اسياط ودموع ويتامه
مو دمه تنزف جروحي
جدي عابس شـگ قميصه
وآنه اشـگ لـحسين روحي

ويترس التاريخ نزفي
الك دينك والي طفي
____________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي

____________

آنـه عمري اكبر بعد مـوهذا عمري
ومنـولد بالواحد وسـتين هجري
كافي لاتسألني وين امخلي عقلي
عقلي زنجيل الأدك بيه اعله ظهري

من ارتل آيات حبي
اشعر من الـگـاع طاير
ومن تضيع الگـاها روحي
وي الحمام اعله المناير

العشـگ فاضحني شأخفي
الك ديني والي طفي
____________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي

____________

كلبي ماكو ابصدري لمن دوريته
والله مدري ابـ يا حسينية نسيته
ابـحب الحسين آنه كلش جننيته
وهاجراله وما يرد لضلوعي ريته

ركز وتلگـاني خيمه
واضح ابطلولي سوادي
وخولي بالعاشر حرگـني
قرب و اشتم رمادي

اتركني أوچ ابناري واطفي
الك دينك وإلي طفي
____________

للذي ابنحره اشتراني .. اضعف الإيمان دمعي
انه في محكم جنوني .. كلشي اسوي بروحي شرعي
كلمه لليعترض تكفي .. الك دينك والي طفي


____________________


كلمات الشاعر المبدع - علي عويز الشويلي

اداء الرادود - عمار الكناني

_____________________

زهراء العبيدي

درر العراق