المشاهدات: 1389   المدة: 3:20   الدقة: عالية
التصنيف: صوتيات دينية   الكلمات الدلالية: حسين فيصل، Zahraa Al obaidi
تعليق بواسطة ❀ ♬ Ashk
الحمدلله ، عالدمعة والآه
مادام وني ينسمع
وعيوني مليانه دمع
الحمدلله
1
رادونـي أشك ابعبرتي وينهز كياني وانكسر
بس انا لله الفضل مادام وياك انتصر
يغتابني اچم حرمله ويگطع طريقي اچم شمر
واتنخه بسمك سيدي واسحگ عليهم واستمر
يحيرون ، باسرار ايماني
مايدرون ، عاشور رباني
عندي المهم ياسيدي حتى اطمئن
من اسمك ايمر امتلك دمعه بلجفن
افدي ابحياتي
عشگي وثباتي
واسمي إذا يمك ورد
تلگاني ثابت ع العهد
الحمدلله
2
انته علامة فارقة خلتني بأفعالي كلف
لو ماوجودك سيدي كلشي ابحياتي يختلف
مادام منك منبعي والله نهري مايجف
بأمر الله صحبك سيدي كل واحد ايعادل ألف
الوياك ، فحواه بتضحيته
وبذكراك ، عالزود ربيته
جندي واشوفك قائدي واشعر ابفخر
الله بيها ميزك رتبة النحر
انته اختياري
عهدي وقراري
ياطاعة الله يافرض
مادامك بروحي نبض
الحمدلله
3
يحسين صوت الينتقد مايلتفت وجهي إله
مادام حاضر مجلسك ماأهتم لأي مسأله
الغاثتهم دمعتي ماادري وين المشكله
كل بشر حر ابدمعته يبچيها لليشتاگ اله
يلمذبوح ، والسيف يتباهى
بيك اجروح ، اتشرف انعاها
امنحني قوة سيدي اوصف الألم
ارد الگه لوعه تختزل لوعة السهم
تكتب دمائي
حب كربلائي
اقره قصيده المنحرك
واسجد اقبل منبرك
الحمدلله

- كلمات الشـاعر الكبيـر "إيـهاب المالـكي"